心好傷~~~怎麼辦??

其實我個人覺得佢唔愛你唔係咁簡單既事既,我唔知佢會唔會果d花心既人啦,但佢而家始終都會係揀佢...而放棄你...一開始分開緊係勁down,好想死呀果d咁架啦...有邊個話會分手1呀好開心呀,開心到想死呀咁...唔會架ma....
而家佢揀左另一人...你可以諗既係有無咩辦法令佢回心轉意呢...if佢真係點都唔返你身邊,fine...你就偉大一點,同自己講,我因為太愛你,so我寧願睇住你會得到幸福快樂~我唔知你可唔可以話係分手就當返係fd,但我希望你唔會去惱佢...話咩報仇果d傻事....
其實人生唔會話真係咁好彩俾你一拍就可以得果既....呢個唔得啦,你一定揀到另一個....你唔好唔記得..而家d男仔係少過女仔呀,so你好"經貴"架~慢慢揀...一定會遇到更岩key既人既~
我唔可以真係好似你話3言2語去講到你岩聽....但我希望你可以既係...識得拎得起放得低,你係男人,要面對既野係好多,唔可以為左少少野而好down,而放棄,ok~~俾d時間自己...加油呀~

你真係想同返佢一齊既,你就一定要改你個壞習慣喇
俾在係我都唔鍾意男朋友成日咁CHECK住我,即係唔信任我
其實我唔知你地之間仲有冇其他問題
佢有諗過俾機會你,證明係仲有得返兜啦
你地一年幾既感情唔會話冇就冇架嘛
所以你呢段期間一定要做到D野俾佢睇,當然係真心啦
同埋唔好小小野就激動一餐,你都嚇過佢唔少架啦
真心咁對佢,真心咁等待佢,
有時候愛情係需要執著少少既
當你個心真係好想得到佢既時候,你自己一切尊嚴係可以放得低架
好喇,說話唔多講了
你知道自己應該點樣做吧

唔好唔開心...分手時一定很痛..叫你唔好唔開心..都冇用..因為我都係過來人..個段時間真係好似short左咁架...但係唯有有待一段新既戀情出現時，你先會開心番..因為真係放唔低架..咁易放得低既話..證明你都唔係太愛佢啦..係咪..?有時當自己發生既時候..往往就算知道邊樣arm邊樣唔arm都冇用..因為你只會得過講知..自己係做唔到架..希望你可以快d搵到一個你愛佢佢又愛你既...
我想如果我男朋友好似你咁就好啦..我都不知幾想佢打多d電話比我...我就好似一個女版既你咁...哈..
放開d..放鬆d...嘗試去認識下其它的身邊人吧...
你同佢分開..證明你地唔係一對囉..即係你仲未搵番上天安排比你既另一半..不多試多幾個..又點知邊個先係最適合你呢..拍拖時已存在問題..將來只會唔開心..咁不如放手吧..是你的點都係你既...真架.但當然我不是叫你去花心咁同其它女仔一齊..得閒換下女..既意思啦..如果你地未講分手..咁就煩d..因為問題出現左..而就算點都好..你一定唔捨得放手..咁既然佢講左分手..咪當係佢help你做左個決定呢...
將來,,當你找到你真正的身邊人時,,,回想現..在...就會覺得自己好傻好小朋友架啦...是嗎>>
放開吧..否則個心好唔舒服架...
起碼我覺得你係一個好男仔先丫...哈...加油吧..

我好明白你既感受既 我都try 過好似你咁...
其實2個人拍拖 成日都打比對方 真係會好煩 特別係佢行緊街or 同朋友一起時
但係無奈既係 你已經做左 而令佢煩厭左 你都冇way可以令佢唔嬲你
有時開始去厭 好難回頭 ..而且佢都有左新男朋友了..
我勸你都係放手啦 雖然好殘忍 不過你而家痛 好過第2時仲痛...
我覺得你女朋友個心已經唔係你度 你留住佢個心都留唔住佢個心...
點解你唔祝福佢幸福快樂 作佢既朋友 支持佢..你愛佢 佢係知道
你係愛佢的話 就做佢的朋友 好好對佢好 不過要保持距離對佢好
令佢知道你錫佢 但係唔係迫佢 佢會慢慢唔會再對你反感..
如果你地有緣 佢又鐘意你 我信佢會回你身邊....
但係都唔好放咁大期望 盡量平常心 做番朋友先啦....
你掛住佢就搵你d朋友陪你啦 唔好比自己店佢既野..快d放低佢啦...
我都希望你快d開心番 ...要忘記一個人真係好痛 我都用左好耐時間先放低
不過我覺得你要去愛人先要愛自己先~你要珍惜自己 先去愛人
如果你都唔珍惜自己...都好難去令人地幸福lor...明ma?

其實我覺得你對佢既態度唔好,你不斷犯錯,又唔肯改,你叫人地點原諒你,我認為你一定要改,你試下去求求佢比多次機會你