✔ 最佳答案
樓上嗰位講緊嘅係澳門嘅”職業稅”計算方法,即係香港嘅”薪俸稅”,大陸叫做”個人所得稅”.
其實就稅收整體黎講,薪俸稅呢一部份係好minor嘅,其他嘅稅收例如:入口稅(香港雖然係低稅天堂,但係車,船,煙,酒,化妝品入口仍然要俾稅),仲有做生意嘅賺到錢要俾利得稅,之前唐司長想要開徵嘅銷售稅,港澳仍然未普遍徵收嘅增值稅(大陸就已經收咗一段時間啦,意義上係類似土地溢價金咁嘅)....
唔好講得太遠,針對你問嘅問題,澳門嘅稅收係唔係多過香港黎講.
澳門政府最主要嘅財政來源係來自博彩稅,而家每年博彩稅嘅收入係數以十億/百億計,對比起博彩稅,其他嘅稅收就真係少之又少,如果以人均稅收黎講,澳門嘅稅收一定多過香港(澳門居民只有大約五十萬,香港就有七百萬),所以澳門可以連續幾年減免咁多嘅稅項(樓上嗰位所列嘅職業稅係減免之後嘅計算方法,除此之外,營業稅,房屋稅,旅遊稅等都減免),同埋可以提前實施十五年免費教育.
香港而家未必有咁嘅財政條件支持實施擴展免費教育.
希望幫到你啦.