✔ 最佳答案
你而家12歲,仲係發肯期,千祈唔好諗住減肥而亂用方法,會影響發肯架! 你冇講高度,好難講話你係咪好肥,不過亦都因為你仲係發肯期,所以做多d運動,可以幫助發肯得好d,比如話高d,或者d肉實d咁!
如果用bmi指數黎計自己係咪標準,其實唔係太準,因為bmi指數比較適合用於歐美人士,因為佢地天生出黎就係肌肉型,即係唔洗點操,都會有個型係度。相反亞洲人士大多都唔係肌肉型,所以好多女仔用bmi黎睇自己體重標唔標準,好多時都係bmi指數話標準,但係自己又覺得好多肉咁,咁係因為果d真係肉(脂肪)而唔係肌肉(肌肉係比脂肪重)。所以而家有d美容院採用既係一套適合亞洲人既bmi指數,計法都係一樣,不過佢地仲要分粗、中、細骨咁樣。
如果你都仲係好擔心既話,你可以試下採用血型食療法,如果本身係因為食錯野而導致食物敏感症既話,血型食療係一個唔錯既方法。食物敏感症會導致情緒唔穩定、肥胖等等..而我覺得呢個方法既好處係可以令胃部、消化系統好d。特別係胃部較弱既話,即係好似成日好多胃氣、個胃好脤咁,我會建議試試。
肥胖唔係罪過,你唔需要太過介懷,唔同既人會有一套尋找自己愛既人既方法,唔好用你認為係大多人既睇法黎綁死自己。