香港人想o係澳門工作

如果有人講保證金，一定係想呃錢，唔好信，響澳門申請工作證，係唔需要俾錢嘅（除咗影下相，影印下文件，做下文件鑑證要使你一百幾十外）．
但係要由僱主遞申請係真嘅，批准有兩個前提，一係僱主本身有外勞配額（工廠嗰D），一係要請嘅人係響澳門請唔到嘅（管理層嗰種）．
如果你只係做零售sales做咗十年，冇其他嘅特別條件，咁要去澳門做嘢，會有一定難度，因為sales唔算係乜嘢特別技能（無意冒犯），要向政府遞申請，又要政府批，要有充份嘅理由，公司未必願意咁麻煩囉（要攞晒你D資料，解釋完一大輪，如果遞申請唔批，咁佢請唔請你好呀？）
樓上嗰位朋友可能搞錯咗少少嘢，好多而家響澳門做嘢嘅香港人同埋鬼佬，其實都係冇正式工作簽證嘅（當然唔係講緊呢位朋友本身），佢地響澳門都唔係正式返工（受澳門公司僱用），係以出差形式去澳門公幹．
其實你可以考慮下投資移民嘅，響澳門買樓，就可以攞到身份證，毫無障礙咁響澳門搵嘢做．

澳門特別行政區（澳門）近年的經濟發展迅速，博彩旅遊業蓬勃，新的酒店、娛樂設施相繼動工。經濟發展的受惠行業包括酒店業、博彩業、金融保險業及建造業等。未來數年，澳門將需要大量專業人才及技術工人，以配合各行業的發展。澳門一向有輸入外地勞工計劃，容許當地僱主在無法覓得澳門本地工人填補職位空缺的情況下，輸入外地勞工。假若當地僱主能證明沒有本地勞工可填補有關空缺，以及輸入外地勞工不會影響當地勞工的權利，澳門歡迎外地技術人員及勞工（包括香港勞工），到澳門工作。

為了讓有意往澳門工作的港人得到相關的資訊，尤其是外地勞工的保障及就業規定，勞工處澳門就業資訊網頁列出了澳門的概況，以及到澳門工作的須知事項。同時，澳門就業資訊網頁提供多一個渠道，讓求職人士瀏覽香港僱主在澳門開設的職位空缺及澳門勞工事務局的就業選配網頁，了解當地的就業情況。求職人士在使用勞工處澳門就業資訊網頁時須留意，澳門勞工事務局只協助澳門居民找尋工作。

勞工處澳門就業資訊網頁旨在提供有關到澳門工作的資訊，各求職人士在作出決定前，必須詳細考慮本身的情況，是否適合到澳門工作，有需要時，應與家人、同事或朋友磋商，亦可徵詢有關勞工團體的意見。

我剛過左澳門工作. 冇需比什麼保証金 ka wor. 申請工作証 (所謂藍卡) 需時約 2-3個月. 由公司出錢. 當然你要係管理階層職位, 公司先會向外地請人喇. 依家好多同我一樣既香港人過左黎做野呀. 仲有好多鬼佬 tim. 因每朝落樓食早餐都見到好多. 祝你好運呀!!