想訂做衣櫃, 有冇好介紹 ??

$1,100夾板櫃其實算合理,不過未知個櫃的設計同埋高度闊度,

想做衣櫃,老實講,唔好用夾板,除非你掛極少衫又或者你d衫唔重,否則承托力一定唔夠,木紋紙只係花款,冇特別耐用

要做一個較好的衣櫃,我建議用松木,因為佢特有香味可以防蟲,而家出面好多的實木櫃,承托力好,唔駛太擔心,我自己一向幫襯開特格,或者翡翠,呢兩間d料都唔錯,設計都好,唔算太貴,但如果真係想自己做櫃,大可以去九龍城馬頭圍道,個度有超多間傢俬舖比你格價同埋睇款,有好多間都料靚價平,應該會有啱你的

我都認同聰少講果啲,平有平做,貴有貴做,五金,油漆匠,木工都有高低人工啦,但你所問果間傢俬舖叫咩名呀,等大家了解多Ｄ.

$1,100呎衣櫃睇吓佢有啲咩款啦?趟門有玻璃又貴少少,吊趟又貴過普通趟門,趟門加鋁邊或全鋁框又貴啲,內籠櫃桶改三節路軌又貴啲,加趟鏡又貴啲，正常全高96"吋x外深24"吋之內,如加高或改深又貴啲,
$1,100呎衣櫃如果有夾板+木紋紙+櫃桶用三節路軌+吊趟門+趟鏡+三分背扳底板都可以接受.
有啲傢俬鋪賣四佰幾一呎果啲系冇乜設計,用纖維板加貼紙/噴油,層板用三分扳,背板用薄板中間加條橫木絛,櫃內多烈(因為要將價就貨,所以噴少啲冇今厚.
傢俬制造廠批發比傢俬鋪都有貴同平啦,一般若叁佰陸拾圓至玖佰幾都有,視乎用料同手工啦,講真有啲食水深的傢俬鋪可能用那些平價廠做可有兩倍回報呀.
點講我都不太喜歡果啲一塊塊坎的,因為始終不夠紮實的.

2007-02-12 23:08:23 補充：
http://hk.myblog.yahoo.com/tel98166909/

幾多呎高呀？度櫃門點造？
如果是在八呎以下，度門又係普通設計，$1100/呎造木紋紙面都幾貴。
通常$1000以上的都唔會造紙面，可選膠板或木皮面
如果你用得斯文的話，紙面造衣櫃都ok，但始終小小刮花便無法補救。

我也曾訂造過傢俬, 但你要有心理準備, 通常與草稿有出入. 四五年前我曾幫襯過一間傢俬舖, 佢造個衣櫃不平, 攪左好耐才造另一個比我, 但我相信佢大部份材料用番舊果個. 我忘記了它的名字, 但在旺角新世紀商場有分店, 佢d貨不仔細看都幾高貴, 但現在大部都在國內造的.

到了上個月, 我到旺角新世紀訂造傢俬, 又出事了. 這間叫"瓦屍", 佢舖頭d貨望落都ok, 價錢唔算貴, 但訂造一個櫃卻比原本的尺寸多出很多, 手工差, 店員話近新年趕貨喎..死未!? 我以後都唔敢訂造.