bb咳嗽有無湯水或食療可以介紹

小孩咳首先要小心他們的氣管、
最量不要凍親、睡眠時用一條薄巾圍著、
多飲暖水、大的bb要介口、橙、豆腐、番茄、糖、朱古力、寒涼菜、凍食物
待他們咳好了、亦都要介口多一星期、
才可再進食以上的食物、
腐竹白果魚尾湯：（消肺熱、止咳、清痰）
腐竹、白果、薏米、各一兩
大魚尾一條、陳皮一小塊、薑二片、
白果去殼、去衣、去心、陳皮浸軟刮去囊、
把魚尾略煎、大火煲滾、後轉慢火煲二小時
海底椰雪耳湯： （潤肺、清涼、退熱）
海底椰四兩、蓮子二兩、百合一兩、雪耳半兩、陳皮一小塊、瘦肉適量、
雪耳先浸軟、洗淨、陳皮浸軟去囊、
以上材料煲滾後、轉慢火煲二小時。
雪梨橄欖瘦肉湯： （清熱潤肺、止渴生津、治咽喉腫痛和咳嗽）
雪梨三個、橄欖六粒、瘦肉適量、陳皮半個
雪梨去皮切件、切除雪梨心、
以上材料煲滾後再煲二小時、
希望以上湯水幫到你、
細bb年紀還小、只要小心護理、有咳要看醫生、
切記小心氣管免凍親即可。

小朋友該得多,如果處理得吾好既話好易變成哮喘,所以你每次同佢地睇完西醫之後最好都係煲D湯水佢地飲囉,平時你可以買D鴨梨燉瘦肉,記住一定要鴨梨呀,又經濟,而同當水咁飲都吾怕,仲有就係買龍利葉煲瘦肉,落兩粒蜜棗同埋少少南北杏一齊煲,可以止咳架,但係如果嚴重既都係要帶佢地睇醫生,呢兩樣湯水都係佢地啱啱開始有幾聲咳既時候飲既,當然平時間中飲下都係好架,間中你要煲D七星茶佢地飲下,十一個月大戈個就吾好飲喇,兩歲前都盡量吾好比佢飲涼茶,好易飲壞個底,兩歲半戈個就可以飲七星茶,記住七星茶要買戈隻入面有蟬殼既先係七星茶黎架,七星茶如果小朋友低燒都有退燒既作用,
如果你要煲川貝呢,記住要顏一顏佢喎
同埋你要留意下小朋友係寒咳定熱咳喎,如果小朋友會系臨天光既時候咳或者一訓霖左就開始咳呢就係寒咳,咁既時候,你就要系佢地臨前同佢捽下薄荷膏喇,捽下心口同埋喉嚨,最緊要係記得捽背脊喎,你十一個月大個小朋友就只可以捽生油,方法一樣,因為佢太細個,如果捽薄膏驚佢哪得制,所以要用生油,平時衣着要多加意,吾好凍親背脊,咁樣小朋友好易咳架,

川貝+非洲海底椰(乾身個隻)+蘋果

成份可到藥材舖問.

方法: 燉

2007-02-08 12:13:08 補充：
份量可問執藥那位

2007-02-09 12:11:17 補充：
寒咳記住不要吃梨.