究竟同佢復合好定真係分手好？

我好鐘意讀書，但我係大既，媽媽想我出黎做野供細妹，有年我會考14分，阿媽唔肯俾錢我交學費，卒之我去咗酒吧做拳手

果陣我已經識咗我男朋友，我知佢唔鐘意我做呢d野，但我都講咗俾佢聽

佢知道後好唔開心，我以為我地玩完，但結果冇。但由果陣時開始，我發覺佢會同其他女仔單獨出街

我好唔開心，但我諗係咪因為我做拳手，所以佢就發洩。我真係好鐘意佢，唔想同佢分手，之後我知佢有同其他女仔出街，但我都冇講分手，結果咁就過咗8年。

但近排佢成日跟同事飲酒飲通頂，昨日我打電話俾佢，先知佢去咗大陸，我問佢係咪上去搵北菇，佢無答我，之後晏晝俾咗個message我，話佢知佢做咗好多對唔住我既野，但佢對我係真心既，跟住夜晚我同佢講我地玩完

但我而家後悔~佢會唔會係因為當年我做拳手，所以先會搵其他女仔同埋上大陸？坦白講，我仲好鐘意佢，但我真係忍受唔倒佢d越軌行為，我好怕成日check佢係咪同其他女仔一齊，但我更加唔想分手之後，見倒佢同第二d女仔明正言順咁起埋一齊

究意我應該點好？