我個女2歲仲未肯學講話, 又未戒尿片, 有沒有托兒所會收佢?

無問題，只要間幼稚園未FULL都會收架！可以讀兩歲班。
其實你女兒0既問題已家都好普遍，上到幼稚園後，你女兒0既問題就可以解決架啦！
唔駛擔心。你可以叫你個印傭每日都帶你個女落樓下0既playground玩，唔好睇少個playground呀！可以幫助到佢0既語言發展、社交發展，同埋鍛鍊大肌肉，如果個playground係好安全，而你女兒又習慣左同埋大個d，最好係放手由得佢自己同其他小朋友玩，你試下啦！
但係你真係要盡量抽多d時間陪你女兒呀！

可以去托兒所 無問題的
平時無人同個女玩同傾計 所以佢唔多會講說話
去到托兒所有好多小朋友一齊玩 好快會講好多說話既
未戒尿片 不是問題 返學有老師會幫佢戒片 不用擔心
父母工作都法子照顧女兒 只可以盡量抽時間同佢傾計
工人點會關心個小朋友 求求其其就算架
早些帶個女去托兒所 好過到時在幼稚園難適應
如果去 Play Group 不如去托兒所較好些

其實每個小朋友幾時先講話,係因人而定既,唔洸擔心,
未戒尿片,幼稚園托兒所都會收佢,唔好擔心,
你可以比女女試下返幼稚園同d朋友仔玩下,
佢會好有幫助架,你可以比佢實習下,老師又可以教佢,
又可以幫佢戒尿片,而且同小朋友玩佢又開心,
對日後學講話好有幫助架!加油^.^
你地係為左要返工賺錢養你女女架,所以唔好自責,
你地絕對係一對好父母.....

幼兒一路成長,一路學習,但現今的溫室幼苗,多得父母錯愛,適得其反.
印傭只是跟足你思想你的指導,佢都唔熟廣東廣西.個仔女學乜?
我唔係專家,我覺得基本環境需要改善,也需睇醫生有無題.當然早入幼兒所是必須的.
我小寶寶直到入學才成為開籠雀.祝你順利.

我個女已經 10 歲了，佢 3 歲幾先識講話，之前都祗講爸爸媽媽。她是兩歲讀幼兒班，最初上學前亦要帶尿片，到返學後幼兒班的老師就會幫她戒尿片的，不用擔心。你應該盡快安排你的女兒上幼兒班，上學後就學會規矩及怎樣與人相處，到時你祗會擔心她說話太多呢？現在我女兒就是這樣日夜不停口啊！