我的心水陣容,請評分.

以你提供既人腳黎排陣

正選3-5-2

3名中堅中只有泰利算係穩健.辛特羅斯今屆充分顯示出佢仲未係一級材料,對車路士俾杜奧巴爆左幾次更係"經典";菲臘仔唔係唔得,但係周身刀無張利,欠缺一種穩健既感覺,而佢本身亦唔係可以獨當一面擔大旗既重心球員.建議將辛特羅斯換做杜林,有2名可信賴既中堅護住,菲臘仔所受既壓力可以減少,表現應該有改善

另外,論防守,打3-5-2有3個中堅同雙防中其實都仲未穩陣,呢個防守法中路就夠穩,但係遇著快翼側擊就會食哂塵,所以左右中場最好擺2個能攻能守,體能極好既翼衛而唔係翼鋒,所以路斯基同列貝利都不在考慮之列,合適既例如森保達,雲邦賀斯,甚至蘇拿利,伊保爾等人,可以平衡番兩路既攻守.以你提供既人腳黎講,除左雲邦賀斯之外,只有祖高爾可以勉強出任呢個位置,所以會揀佢

中場方面,馬基里尼做防線第一屏障,係唔錯既選擇.但係3-5-2陣式唔好處就係當2名翼衛上前助攻既時候,中場若然得番一名防守中場,中場攔截力會大大下降,遇著對手打快速反擊無論中路突破(一個防中)定係兩側突擊(拉散3名中堅)會極為危險,所以應該擺多個防中.甘比亞素類似中場中既keyman角色,不過有馬基里尼呢名破壞型防中傍住,可以充分發揮佢既策劃反擊能力.同時進攻中場既要求要相對地提高,因為已經有5名主力防守既球員,而2名翼衛都唔可以90分鐘不斷助攻,所以進攻中場應該選擇一名有後上叩關能力+分波策劃能力一流既球員,林柏特欠缺分波策劃能力所以呢個位置路斯基係一個非常之適合既選擇

前鋒位置既選擇最好因應番實際需要.就番2名翼衛既快放落底傳中/進攻中場既致命直線入楔,最好派一名速度腳法兼備既技術型前鋒配搭一名擅長入禁區搶點把握機會既射手型前鋒,咁既情況我既意見係用伊巴謙莫域黟拍梅度或比拿美(我個人比較喜歡梅度)

所以正選會係:

伊巴謙莫域 梅度
雲邦賀斯 甘比亞素 路斯基 馬基里尼 祖高爾
菲臘仔 泰利 杜林
卡斯拿斯

理所當然地後備會係:

亨特拉爾 查斯古特
比拿美 加高 戴亞 林柏特 列貝利
丹尼爾 活基治 辛特羅斯
史基倫保

不過後備呢隊人腳嚴重失衡,防中及翼衛嚴重不足,3名中堅又欠缺一位中流邸柱壓場,非常危險

前中線既人都係當打既球星,整體配合不錯, 我會俾75分
但我唔欣賞係後面用三中堅打法 一來會受到好大壓力, 而且兩位中堅菲臘仔同辛德路斯都唔算係頂級既球員,
菲臘仔年過三十,而且係英超打咁多年都證明唔到自己係最佳後衛,好容易就俾人過左
辛德路斯雖然算係最注目既年輕後衛之一,係阿仙奴表現唔錯,但佢仍然經驗唔夠,往往係重要時刻出錯, 輸波or輸12瑪, 後面得泰利一個頂住都幾危險
而中場用上兩個防守中場都叫合理, 填番兩線既空位,而且甘比亞素助攻同遠射都唔錯,配合林柏可以輪住發炮
前面兩位入球機器頭腳都咁得,加埋路斯基既列貝利支援, 入球無難度~~
最後我覺得板凳深度唔夠,無晒正宗既防中人 俾woodgate打正選仲好d

龍門都算是可以了..卡斯拿斯表現都ok..
後防:菲臘尼維利 不是太好!我覺得用李奧費迪南更好..因為佢身材較高大
中場都算好!
前鋒..其他e兩個我覺得都係一般啦..如果講求速度..我就會用亨利