申請信用卡問題

事實上只要申請表上列明資產證明,就已經可以,不過就要睇佢肯唔肯批金卡,其實有時都要睇你用開邊間銀行。
例如,渣打,中銀只要佢見你用開佢儲蓄而且有咁多錢,就算你唔問佢,佢都分分鍾主動邀請你申請。渣打就一定會,中銀我就試過先無入息證明申請普通卡,過一段時間佢致電邀請申請金卡,可能係因為無入息證明,所以信用額都唔多。
大華銀行的聯營卡都可以靠資產證明申請白金卡(要求資產幾多唔知,不過亦曾因為持有其無入息證明獲批的普通卡,後來獲邀申請白金卡無需遞交任何資產及入息證明)。

事實上現在的金卡與普通卡差不多,而且有好多優惠連金卡都無份兒,除非係白金卡,優惠一定多過晒。

其實銀行批卡係要計好多野架，除左年薪外，咁如果你有用開個間銀行既戶口，銀行話哂算知你既往來情況，係會易批D架，而有資產 (你指既 1x萬都係)，機會大d架

每間卡公司要求既年薪要求都唔同，最低大約 $60,000.00 以上 金卡大約 $120,000以上
不過如果你想申請金卡，都可以試下既，但機會就唔大，記得將你既入息同其他資產證明 影比卡公司，例如：定期存單/存摺等。


如果講低要求，東亞有張叫 shine card ，只須一個月入息證明，月薪港幣 $3400 起可以申請，算係我聽過最低薪金要求既卡，你可以去睇睇
http://www.hkbea.com/hk/pb/cc/card_products/shine_card/index_tc.htm


希望上述資料幫到你

以我所知, 全港銀行都須要入息証明, 身份証明等, 如少了其中一份文件都不批准.

東亞銀行、渣打、工商銀行、交通、創興銀行等------
只要有入息證明文件，冇錢都可以，放心去申請。