甲狀腺素高

1)TT4正常值58.1-152.8nmol/L(5-12ug/dl)
TT3正常值1.8-2.9nmol/L(115-190ng/dl)
P.s唔同化驗室正常值都有一定程度偏差
2)要了解甲狀腺功能中，抽血有三樣數值一定要睇，(TSH、T3、T4)；因為呢三個值已經可以作為診斷依據:例如
a)甲狀腺功能亢進:T4和T3均升高、TSH會降低(就好像你呢種情況)
b)甲狀腺功能減退:T4和T3均降低、TSH會升高
3)治療:多年來大致可分三種---藥物、放射、手術(針對甲狀腺功能亢進)
4)藥物:一般確診後開始食，為期要一年到年半不等，每天一粒。藥物好處係有效方便副作用較少，壞處係復發率高，而且藥物對血細胞(尤其白細胞)有損害，受感染幾會高
5)放射:好處快有效，不用拖年幾，壞處係可致甲狀腺細胞破壞過多，結果反過來變成甲狀腺功能減退
6)手術:治療可以徹底，但有手術風險同術後后遺症
結論:甲狀腺疾病係醫學上係分好多種，有輕微亦有嚴重，有功能性亦有器質性，而且大部份見於20-40歲女性，而其所涉及器官亦很多，最主要係心臟，因為其可致心率失常，甚至因此而死亡。見議你應立即去專科門診作一個詳細檢查，作出一個最好治療方案

我知道有甲狀腺素高既人，要注意飲食，唔好食太濃味既食物，因為影響血壓，血壓亦會影響心臟！你驗完之後應該帶埋份報告去睇一個家庭醫生，即是你平時傷風感冒都係睇佢果位，睇下醫生比意見你，需唔需要食藥呀！或者叫醫生寫介紹信比你去公立醫院排門診！唔係好嚴重既就梗係排政府平好多嘛！新証一百，之後六十文一次！攞藥十文一種食三個月！最好就經常免費幫你抽血化驗嘛！你都係納稅人應該享有呢個福利呀！最緊要有病就早啲醫！唔好拖！