有沒有人試過在Travel Box Co., Ltd (旅遊博視)訂機票酒店?

等我講講我遇到o既"糟"遇啦！
我地響上年年尾己經plan好左，會去芭提雅同埋曼谷，咁就響泰友營網頁內搵到呢間公司，而悲劇由此開始！
我地十二月已經向travel box呢間公司訂酒店加機票，而當時呢個william講到實牙實齒，已經幫我地訂左機票，而酒店房間亦都幫我地hold起左，只要響十二月尾比埋錢佢，就會一切落實，包無問題！
先講機票，我地原先希望可以初二晚夜機返，點知佢追左兩個月都唔能夠追到，我地都退而求其次，改搭晏畫機返，呢樣都情有可原！但一講到酒店，就把幾火>_<"
原先條友仔話只要confirn左機票，比晒錢佢，到時就可以即刻搞掂埋酒店，咁我地就信佢會搞得掂啦，點知到我地比晒錢〈當時已經於一月頭比晒機票錢〉，佢就一路拖我地酒店booking，一拖就拖到我地出發前五日，我地迫於無耐再追佢酒店booking情況，佢先肯話我地知酒店full booking，叫我地不如改酒店，而佢推介o既酒店，價錢當然貴d啦，情況就等如『力 寶 國 際 旅 遊 有 限 公 司』一樣，佢專登拖到最後關頭先話book唔到，等我地到時再book間貴d，終於露出佢o既狐狸尾巴！最後我地當機立斷，改向另一間agent訂酒店房間，先至唔會搞到我地十幾個人無酒店住！
總之呢間公司，個老闆本身都咁古惑，態度又差，希望大家唔好再中招，無謂搞到原本開開心心o既旅程，到最後一肚氣！

我響泰友營網站都見有網友幫襯佢地, 咁耐都無見過咩差既評語.
如果有問題, 我相信好多人都會響泰友營度post出黎講, 所以我覺得可以放心.

我曾經問過價去日本, 發現都平過我之前問果幾間, 所以我打算之後去日本都會搵佢地.
如果你想安心d, 可以搵William, 佢係老闆, 應該會跟得足d.

IF U HAVE DOUBT DON'T TRY IT