想唱少少英鎊...

根據我格價多年經驗, HSBC, 恆生, 渣打既 RATE 都唔好既...
東亞既 RATE 可以, 最平就係廖創興...
但因為銀行會收手續費, 如果你冇廖創興戶口, 你去換錢佢會收你50蚊手續費.. 同樣, 如果你冇HSBC戶口, 你去換錢佢一樣會收你50蚊手續費... 所以請先睇下自己有咩銀行戶口, 如果多過一個, 就可以上銀行網頁 CHECK 下即時匯價, 你就知道邊一個平D... 如果你只有一個戶口, 你就冇得選擇啦, 去返自己戶口既銀行換就最方便了... (信用卡係唔計的.. 一定要係戶口才可免手續費的)
順帶一提, 唔係間間分行都有外幣換的... 去之前, 打電話問一問佢地有冇得換, 如果有, 都要問下有冇足夠數量 (如你想換1000, 佢可以只有800的)... 確定晒先去, 就穩陣好多... 不過我通常都係去中區分行或總行換, 一定有, 而且唔駛排隊...