想問 : 原廠維修部唔見左我部機,應該點處理?何以點投訴? (20分 ~ 急)

我上年11月初攞部機返原廠修理，一直到早個禮拜先通知我去攞返，佢地係完全冇知會過我嘅情況下換左部新機俾我（因我部機有少少凹左同貼左保護貼），我發現左問佢地，佢地先話整唔到所以換部新機，我堅持要返我自己部機，又再等通知，得到嘅回覆係搵仲未搵到！係咪唔見左我部機？唔係點解要靜雞雞咁鬼鼠換部新機俾我，仲要俾我發現左先話整唔到？唔係唔見左，點解搵咁耐都搵唔返？我極度不滿意！我要求一係俾返我原本部機我，一係就賠錢（我有買機嘅發票同修理嘅單據），佢地嘅回覆又唔承認過失話要再搵，又唔知要拖到幾時，我問過消委會，答覆係如我不滿意可向小額錢債審裁處申請索償，不過一定有排攪，如我由其他渠道投訴，向邊處投訴有最大嘅迴響呢？報章雜誌得唔得呢？

更新1:

我買嘅係 archos gmini 400，代理係捷成洋行。錢係另外一個問題，部機對我好有紀念價值！上次通知我攞機時由始至終都冇同我講過話整唔到換過部新機，淨係通知我去攞返，上到去係我自己發現部機唔同左問佢地，佢地先話整唔到。