有無人試過坐Air Asia 的飛機到泰國

首先要問你係咪香港人,如果係既話就唔好坐Air Asia勒,因為香港既選擇多,flight schedule 又好好多,而且重可以慳返幾百蚊船飛錢添.如果你係澳門人又或者指定要坐Air Asia的話就留意以下事項:
1)架機唔新同埋好細,係兩排每邊三個座位既飛機仔,厠所勁細,肥D都轉唔到身,機上所有食物都要自費,冇飛機餐架,不過D飛機師技術好好,起飛降落都好stable
2)經常會delay,我坐過7-8次,得3次係準時起飛,建議你訂機票時聯絡電話要清楚,因為o係泰國回程時如果delay既話佢會send SMS比你架,我試過o係酒店臨出發前收到message要遲3個鐘先飛,我即刻走去Central行完先再去機埸呀,不過有幾次就去到機場先收到通知,要o係機場呆等,而o係澳門就要坐o係候機室等.
3)至於網上訂票方法好簡單,你step by step就得架勒,要留意係當佢審核你張信用卡時千祈唔好"禁"去其他地方(約2分鐘),佢成功左就會顯示話已經訂票成功
4)成功左之後會send個itinerary去你個email度,你出發時記得print出黎,因為去櫃台登記要出示張itinerary架.
5)機票內既人名一定要正確,否則就唔比你登機架.
6)要留意你既passport既到期日超唔超過半年,因為你訂機票時佢唔會理你夠唔夠半年都比你訂票架,但係去到機場既時候如果passport冇半年有效期,佢就唔比你上機架,上次o係澳門出發時就見到有人個passport有1個月到期,佢真係唔比佢上機呀.
7)另外,唔係張張信用卡都可以過數架,我試過中銀信用卡就訂唔到飛,BCM同香港渣打就一訂就得.

希望幫到你啦!!

你想買澳門去曼谷的飛？
泰國亞航的機不會很舊，空姐就麻麻地，係機上食也要比錢架，坐位很窄，勝在價錢平！
我沒試過delay，不過聽朋友說行程不好太逼，怕佢delay。
訂票時一定要根指示，最後步驟要等幾秒鐘（不要刷新），不小心就兩次book架！行程表（itinary）會用email比你，記得要check吓名有沒有寫錯。