✔ 最佳答案
因膀胱易被晶石插損, 借傷成毒, 引起發炎, 如果不理, 細菌令腎臟感染, 後果就不堪切想。哩個病絶對有得醫, 只係哩個病好易番發(番發的病情會更嚴重), 所以主人須要落實執行, 終生控制貓貓飲食, 一定要有耐性同夠忍心。膀胱有結晶係無藥物可醫, 雖然可做手術, 但後為症亦好多, 獸醫唔會亂做。主人應先替貓貓驗尿, 了解晶石的種類,晶石分鳥屎石同草酸鈣, 療法各有不同, 然後進食一隻對應的獸醫配方糧來溶解晶石(如hills 的s/d配方),因食療法進度會較慢, 主人要耐心等候。 當驗尿確定再無晶石, 貓貓就要終生轉食一隻尿液ph控制獸醫糧(如royal cannin urinary), 把尿液的ph值控制在ph6, 結晶就無法再形成。溶解晶石的特別獸醫糧應在獸醫指導下服用, 千萬不要自己胡來, 因過度食用會影響肝臟功能。如果家中有其他貓貓, 就要特別小心, 以防病貓偷食, 必要時可能要全部貓貓轉食ph control 糧。
以後貓貓就唔可以再食罐頭同零食, 因這類食物中的高蛋白或高防腐劑會令尿液變鹼, 鹼性環境有利結晶形成同有利膀胱的細菌繁殖。
貓貓康復後仍要定期驗尿以監察有無番發, 開頭可兩個月一次, 慢慢可以疏d。
留貓尿方法:
1. 把貓厠切底清洗乾淨, 如有其他貓, 應先把他們分隔
2. 不用放貓沙, 改用如黃豆大小的天然石春, 因外形較似貓沙, 貓貓初時會覺得怪怪地唔肯痾, 所以一定要灌水俾貓飲, 石春金魚街有售, 十多元已足夠, 千祈唔好買果d好似臭丸咁白雪雪, 44方方既人做石春。石春清洗後可循環再用。
3. 用針筒每半小時餵30ml水俾貓貓, 直到佢有尿痾為止, 我最長等咗6個鐘。
4. 貓貓痾尿後, 尿液就會流落石春底。
