搵方法救老人家

首先我要聲明，我唔係醫生，不過我試下講少少個人意見

1. 佢插住喉，都去唔到看中醫，而且我相信佢都食唔到野，要用胃喉，咁點食中藥呢?
2. 佢的情況其實都幾嚴重，真的是個人意見，千萬別介意。因為個本身個肺係差 (cancer + 手術)，而且肺炎係嚴重的病，絕對可以致命，咁醫生點會唔講得嚴重呢?
3. 我想你and 家人盡量請醫生解釋多一點吧，點解想佢呼吸慢d 呢? (其實呼吸太急，一來佢辛苦，二來可能使氣體唔夠時間係肺到做交換，太多可能性，你要問醫生先知佢的原因)
4. 資料有限，好難明白到個嚴重情度，不過用了兩種藥都無效，可能是 a) 隻菌好利害、b) 病人身體好弱、c) 用錯藥??、d) 份量太少.......還有其他可能，不過老實說，用了兩隻藥，用錯的機會真的唔算大，我看用藥都不是兩、三天的事吧，我想入院都可能有一兩個星期，份量都試過了，而且用份量太少都不會完全沒有好轉，可是a 和b 的情況，就是醫生都沒有辦法去處理的
5. 請盡量珍惜時間，而且有質素的時間更為重要，如果係醫的時間，病人非常辛苦，但是到最後 (大吉利是)沒有太大幫助，咁唔太值得，可能只是為到自己個心好過一點去考慮，就不是為到病人最大的利益去考慮，可以問下病人辛唔辛苦，同醫生溝通多一點，都是好重要的

最後真的希望可以老人家可以渡過難關，早日康復

醫生呢種情形一定會講最壞情況比你知, 而最壞情況就係死囉! 其實有好多人都話呢類情況只係用病人來試藥, 通常都冇好轉, 因為西藥始終係令人身體更衰弱的, 既然西醫都無辦法, 點解唔試吓中醫或其他辦法呢? 好多人心中就淨係得西醫, 而西醫就一味話無辦法, 佢無係因為未盡力搵, 咁你就要自己搵喇, 盡過力最少唔駛後悔呀!

2007-02-08 13:14:24 補充：
如果佢唔係連行都行唔到, 出院去睇中醫又何妨, 唔係等到郁都唔郁得就太遲喇! 以下 (1) 係註冊中醫資料, 可以選較近醫院的, 不用太舟車勞動, 或詢問一吓第(2) 內的醫師意見 :(1) http://www.cmchk.org.hk/cmp/chi/idx_rdoctor_choice.htm(2) http://hk.ktop.com.tw大家都盡點力吧!