問真姻緣同事業

八字如下:

傷　劫財
甲癸壬丙
寅卯辰寅
傷食官傷
財　食財
官　比官

我唔係大師，不過試下啦．
你日元癸水，月令辰官，地支兩個寅卯辰會傷局成化，天干１財１劫１傷，本應入從格，但天干壬劫得根於月支餘氣比，未氣絕，故為正格身弱．因為女命官殺星為夫星，而傷食星尅夫星，而你命局地支有兩個會傷局為超強傷，又有甲傷透天干，故確實不利夫運．因為甲傷得強根兩個會傷局，而你原局唯一的夫星辰官又被合去化傷局，只要大運流年夫星入命，都會被你原局強傷局直尅，很容易分手收場．

你８－１７歲行的大運是辛卯，原局丙合辛化劫，地支卯又會原局成傷局，劫在你為財，因你未有工作能力，故多數為家庭經濟有好轉．但地支會傷局加強，表示你學習成績差，懶散好玩樂轉數慢，也不利夫緣．９８年你１２歲，流年戊寅，為官星坐傷局，天地合入日柱，雖然你個時仲好細，但我諗都有機會為你第一次拍拖，但一拍即散或係有暗戀對象但開始唔到．２０００年庚辰，印坐官，辰官又會被合去會傷局，都好機會有個你喜歡既男仔出現但係都係無疾而終．
１８－２７歲行庚寅運，為印坐會傷局，因坐會傷局，繼續無心學習，不過到這時都應該係冇再讀書啦．不過你有個拍左兩年既男友？因為０４甲申及０５乙酉，都冇訊號話你識男仔，但０６年丙戍，地支戍官合入日支夫宮，指你會有男緣有拖拍．如果真係兩年，咁我ｄ功力仲差好遠．我都認為因為你原局傷星太強，會尅走官殺夫星，而且日支夫宮又左合右合，男朋友或老公都不安於宮，表示容易有離異．一定要有大運幫助先可以有較穏定既感情生活．你２８歲開始行己丑大運，己合去原局甲傷化殺，地支丑又係殺，合殺坐殺，男緣大旺，又因為己合去甲傷令天干無傷星尅夫星，到時這十年感情會較穏定．

事業方面又係因為你傷星太重，傷星代表懶散轉數慢好玩樂，所以你學習成績不好，而又直接影響你工作，令你不會高識高薪．這十年大運是庚寅，印坐會傷局，雖然印星透出天干有利工作，但坐下傷局被耗，原局丙財又尅印，所以都無乜好工作運．往年丙戍，財坐合財，為破財年，入不敷支，生活艱難．今年丁亥，丁合原局壬劫化傷，亥合原局寅又化傷，亥又半會卯化傷，傷星大旺，不利感情生活，也不利工作，而且要小心身體健康．你應該都係幾瘦，身體又唔係強壯，今年要好好保養身體．０８年戊子，戊官又合日元，如果今年散左的話又會再有男朋友，子比半合月令辰化劫，財運好轉，會儲到ｄ錢，又會搵得多ｄ．

2007-02-13 23:31:27 補充：
老實講, 妳命局唔算好, 但都唔算係凶局, 平凡人一個, 唔好對自己係錢財地位事業有太大既期望, 只要妳努力, 腳踏實地, 生活都還可以的. 我講得咁直都係唔想妳對自己既將來有太高既憧憬, 妳讀書唔叻, 又冇乜一技之長, 如果妳現在唔努力學多d野, 事業上都唔會有進展.妳命局中夫星是忌神, 即丈夫對妳冇乜助力, 唔可以妻憑夫貴, 嫁個有錢人. 所以好可能結婚後唔駛做, 但唔會係因為妳丈夫賺好多而唔駛做, 而係妳唔想做. 而且因為妳命中食傷星極重, 不利妳與男朋友或丈夫既關係, 即是可能會易散, 或丈夫對妳不好, 或對妳好而緣薄, 或多病等等, 所以非常建議妳遲婚, 睇定d先對妳有好處.

2007-02-14 15:38:01 補充：
我從未聽過甚麼真命天子出現而要立即和男朋友分手, 不然會有惡果? 沒有人可以講得準未來, 八字只是會給妳一個大慨的預計, 細節是自己填上的, 不然大家還工作讀書來做甚麼. 說妳命中無財不等於妳會去乞食, 說妳今年有官星入命也不一定就是會結婚, 因為命理是用天干地支的尅合沖刑來代表多種可能會發生的事實, 但沒有人可以肯定會發生甚麼事, 只有一個大慨而已, 所以不要年紀輕輕就不斷往這命運方面想, 甚麼也不努力做的一定是失敗者, 雖然努力做應該做的事不一定會成功, 但起碼會有機會, 雖然大綱己定, 但妳要自己努力填上生命的細節呀

本人是以盲派理論為你分析命理,可能有別以上大師的分析,你屬水,身型不太高,眉毛頭髮比較濃膚色算白,性格為人多愁善感,主意不定,,經常表面性格愛熱鬧朋友多,但內心性格比較自我空間,不想別人打擾,學習運平平,讀書成績一般,亦是一個好聽男友話及好遷就他的人,工作方面其實要下半年五六月後才會有好發展,你適合工餘進修一下有關語言的科目.

2007-02-07 12:55:09 補充：
最後給你一句:盲派口訣{時內傷官坐祿臨,子女成才必有因.)表示日後子女不錯,有點成就,當然要你好好培育.

新..曆６月６日......記著
2016年可能結婚了..不會離婚..至好自己不好太著結婚..工作至要.男人揀老婆要有學問工作固定，修養好.生得美.持家有導的...不過你2017年至伯爺婆都有好運
工作五行至好金水行業....現去增值及學專業技能....等運一捉即發....現兼職比心機..
香港無學識無技能..點同人爭飯碗？可能洗廁所和經理主任通通外地人做哂呀？