為何人有咁既構造呢?

在「演化論」的角度來看，現在的型態，在現今環境是最「合適」的。在這裡，「合適」這字眼是很重要的，現在的型態可能不是「最強」，但是是最「合適」的。
無可否認，人類如果擁有四隻手，一定會強過只有兩隻手。但是天下沒有免費的午餐，多了兩隻手一定要付出代價。腦部一定要撥出更多的區域去控制或協調多了的雙手。個體一定要攝取更多能量及蛋白質去支持這額外的肢體。
付出了這些代價後，所得到的利益又是否值得呢？有四隻手或長得像人頭馬一樣，得到的益處是否多過付出呢？還是把這些資源去發展腦袋，增加智力比較好呢？
根據「演化論」，天擇已幫生物選擇了最「合適」現今環境的型態，便是現在的型態。

人有咁既構造係祖先遺傳俾你既. 我講緊唔止你祖宗十八代, 係四足類既共同祖先, 係青蛙, 蜥蜴, 恐龍, 雀鳥, 馬, 老虎, 猿猴...咁大個家族既祖先. 總之有四隻, 冇的多d. 你用晒來做腳又得, 如馬, 用晒來做手又得, 如猴, 用來做鰭都得, 如海獅, 甚至退化兩隻只要兩隻都得, 如鯨魚, 海豚. 世上無人馬呢d生物咁兩隻手四隻腳 (咁佢既重要部位係前腳之間定後腳之間呢??) 只係神話故事裡有, 唔算數. 人類演化成直立, 手腳自然地分工, 比起四手或四腳已經著數左架啦, 咪咁大貪.

四足類的肢體的骨骼結構十分相似, 上肢來說, 膊以下係1枝骨頭: 肱骨, 手肘以下2枝骨頭: 尺骨+橈骨, 跟住一堆腕骨之後, 分成5串指骨. 整體形式係 1 > 2 > 5. 腳的形式也是 1 > 2 > 5. 基本上成個四足類家族的肢體都係呢個形式. 例子如鼠, 猴, 和你. 有d動物唔需要咁多手指腳趾, 如貓把手指公縮到好上, 好似只得四隻手指, 有d如豬, 羊就剩兩隻腳趾(所以分類學上係偶蹄目), 而馬,鹿就得番一隻(奇蹄目), 佢地既其他腳趾退化到係照x光先見到四粒好細好細既骨, 皮膚外面睇唔出, 其實仲係度架. 而雀鳥係所有指骨連埋一齊(食過雞翼尖你就會知), 係退化到極既一隻手指既動物. 比起馬, 羊和雞, 人類既手腳比較接近祖先5隻手指模式, 所以有人會話係呢方面人類係原始過畜牲. 維持咁多隻手指/腳趾令我地跑得唔夠d畜牲咁快, 但係就做到好多畜牲做唔到既野, 例如打呢篇文章上來, 所以有5隻手指係好事, 進化得滯反而冇咁好.

咁5隻腳趾又有咩用呢? 我地既社會而家興鋪平路面, 腳趾平衡身體和抓緊物件已經愈來愈唔重要, (起碼同我地住係樹上既祖先比) 我估計人既腳趾會退化, 第日可能剩番兩隻就夠啦 (打麻雀跌左一隻牌都可以用腳趾執呀嘛!!!)

五喱個數字係咪有其他意思呢? 又係個句, 係四足類祖先既基本形態, 冇得解釋亦唔需要解釋.

方便平衡身體

點解呢？有宗教信仰的話，不如你問問造物主啦。

又或者你去動物園睇吓猩猩，猴子呢一類靈長類動物囉。佢地答到你點解，咁人的解釋都一樣。

講時講，人的手指腳趾唔原本唔係五隻的，五呢個數字應該冇特別意思的。唔用的話，可能過多千千萬萬年，人會有少過五隻手指腳趾。至於點解呢？你可以問問達爾文。

點解你唔問，雄性動物唔生仔唔喂奶，咁要乳頭有咩用呢？