男朋友常去大陸與一女子過夜,我應否扮不知??

依家未結婚就出去搞搞震，結佐婚未要成日提心吊膽，鬼知佢幾時去滾，又或更過份ｏ既－－佢直情當妳冇到，直接帶回來玩（俾妳知又何妨，妳吹得佢脹咩？）
妳不甘心，係真係好鐘意好鐘意佢，唔想失去佢，定純粹係因為佢先有第二個，妳條氣唔順，覺得冇面先？
呢兩者ｏ既分別大得多了，如果係第一個，妳覺得冇佐佢唔得，咪只好扮唔知囉，不過如果係第二個，妳飛佢都得了，變佐心ｏ既男心ｏｒ一腳踏兩船ｏ既男人唔要也罷，叫佢死遠ｄ啦。
Ｐ．Ｓ就算同佢上床，都要叫佢帶套（鍚自己多ｄ好嘞，萬一瀨耶未好唔抵！）

男朋友常去大陸與一女子過夜,我應否扮不知??

問題幾嚴重, 唔認真答妳一定害左妳!!

妳比既資料, 係無實質地sure到佢真係有偷食。
可能佢真係無呢!! (可能啦…)
但都可能佢真係有,

【有的話…】
即係佢同妳講左個大話…
妳應該求真, 有證據後 問多佢一次有無, 佢答妳無既話…
【佢放棄左一個番轉頭既機會。】

佢係咪心虛?
我唔知! 【亦只有一個人知!】 就係佢!
但我可以睇到兩面:
佢真係心虛!
Or佢想有齊人之福! (呢個負面左d, 希望唔好介意我咁諗)

現在應點算???
問佢or問自己吧! 感情點可以交比人決定?
我比d suggestions 妳吧…
1.求真, 有證據後 問多佢一次有無,
2.同佢講妳心入面諗緊既野> 唔想無左佢
3.忘記佢…(我知妳唔太想咁做吧?!)


現時應否不該和他上床(,因怕他有性病)....或是和他上多d床,,和那個大陸女子比較下
妳認為佢偷食既原因真係想上床咁簡單? 我有好d【主觀】既諗法…
但只係假設, 都希望幫到妳:
佢有d 朋友都係咁, 佢聽到覺得爽所以都咁做,
花心, 想有多d 伴侶。
妳唔o係china, 佢china 果時夜深人靜無人陪。

其實我覺得，無論妳幾愛佢都好，只要佢有女人已經係對妳不忠，呢個男人就已經唔要得，第一，佢背叛妳；第二，佢冇理妳感受；第三，佢冇諗後果。等等仲有好多的不是。
我唔明點解妳仲要諗同佢上床去挽回呢段關係，妳自己都識講怕有性病，咁點解仲要去做呢？更何況一段關係唔係靠上床去維繫，仲要話同佢造多D，妳自己諗下值得咩？值得為一個有負自己的人再付出更多咩？更何況個個人一拍拖甜蜜起黎咩承諾都講，都係一D氹人的說話同技巧，日久見人心，始終經過日子的洗禮，就知咩人對妳係真，咩人對妳係假。如果一個男仔真心鐘意一個女仔，係佢做任何野前都會為個女仔諗左先架，唔會貪一時之快去做出一D有負於女友的事。
總結以上，我個人認為妳都係算吧啦，唔好再對呢個男人有任何期望，唔好浪費青春，青春無價去搵個愛自己同值得去愛的人。

希望以上可以幫到妳，如有需要可E-MAIL聯絡我。
最後希望妳早日找到人生真正的幸福伴侶

無疑,某d人真係好中意偷食
佢應該都唔係中意果個女人,如果唔係會同你分開啦
不過,你幾愛佢都好,我唔覺得你同佢上床會留得住佢
如果可以咁留得住,佢就唔會上去...
況且有機會染病添!

要挽留佢ge心?即係你好想原諒佢啦...
咁你要問下自己有冇咁ge能幹喇
你唔出聲,佢就一直咁落去(浪子係唔會冇啦啦回頭架)
你忍到嗎??
真係要挽留佢,只可以從相處中著手
之但係10個偷食ge男人有9個都唔會咁醒feel到你係挽救緊段感情,
希望佢唔好再咁做...所以唔可以扮唔知...

anyway,我提議你有係有真憑實據先,
萬一真係搞錯就弊

不甘心又如何 ？ 他還不是依然故我 ！ 妳還不是每天活在猜疑痛苦中， 磋跎歲月 ~~
其實妳心中有數， 字裡行間也顯示了出來 ︰「是玩了真感情」、 「現覺得他對我有些冷淡 … 現在應點」、「希望能挽回男朋友的心…」
姑勿論他是否已貪新厭舊， 在床上較量一事， 妳肯定已輸了新鮮感， 卻冒上感染病患之風險， 划不來 ~~ ( 生理需要例外 )
撫心自問， 妳是不甘心多 ？ 或是愛他多 ( 應已轉為感情 ) ？
不要為了區區幾件衣物而蒙蔽自己 ！
是不捨就裝聾作啞， 強忍下去吧 ！ 但不保證他會浪子回頭， 亦不排除他會一浪接一浪， 樂此不疲， 大家都不是他的最終， 直至他心身俱垂垂老矣那天 ~~
倒不如來個快刀斬亂麻， 灑脫地揮一揮手， 在為時未晚下， 風姿猶存， 情根尚可拔時， 重新展開人生的新一頁， 也許真命天子正在遙遙等待妳的出現呢 ！
我只知， 長痛不如短痛， 變了質的愛情會令人不適。
他不是唯一， 妳亦不需施捨愛情。

你真的咁肯定佢呃你？若不是猜想,而是證據確鑿的話,你就要問自己如果因為不甘心而令自己唔開心或染上性病,是否真的值得？你真的能接受這樣過日子嗎？
你要扮不知係因為你唔想改變你倆之間的關係,但若真的有另一女子,你倆關係早已改變,若說無變,只是呃自己吧了...

我覺得唔應該啞忍...咁樣只會愈黎愈痛苦...
都唔洗同個個女人鬥d咩野...因為如果你男友係愛你就唔會有第2個...
以家應該同佢灘開黎講...要佢決定揀邊個...
如果佢真係唔揀你...咁你就算留到佢係你身邊都冇用...浪費青春...
而呢個男人你要唔要都把...可以死左條心...重新自己既新生活~

一句"不甘心"就是你的死結.
當結一開,你自然知點做