在現代的愛情中,還應該有竹門對竹門,木門對木門的想法嗎?男才女貌才配嗎?若然大家向有不同的背景,會影響日後的日子嗎

係理論上係可以竹門對木門既, 只要真心想愛嘛得囉~! 係咪好ideal呢!
但唔好咁理想, 尤其係o係香港呢個地方. 大多誘惑同選擇, 好少人會做到.
好現實咁個舉例, 一個唔好話多, 大學生同個中三未畢業既人, 想法己經好唔同. 再加上生活背景唔同, 朋友圈子又唔同, 初頭可能無咩問題, 有愛嘛~! 但耐咗, 就發現話題有限.... 咁會好麻煩, 因為忍耐同愛都係有限既.
同埋, 香港有幾多男人係有才架?! 有才男人都會比較鍾意同有腦既女人講嘢, 除非只係上床. 香港既靚女人亦只會揀有錢佬, 你幾有腦都無用,因為唔擔保佢一定有日會發到圍....
咁你自己話有無可能嘞

竹門對竹門,木門對木門是古代/上一輩的想法~

其實如果真心鐘意, 又有緣可以在一起~

所有外在條件都唔係問題~

睇下你想要既係愛情定麵包架姐~

至於影響日後的日子, 我相信任何一對情侶都會有問題要面對/解決既時候

所以就算係郎才女貌, 木門對木門哩d都一樣會係

一切隨緣啦, 我相信真正既愛情唔會因為小事就會影響到

有d 夫妻就算日日嗌交, 但就唔會離婚, 因為佢地有緣o係埋一齊, 打風都打唔luk

用學歷去比實力其實好白痴.
我公司有個大學生就係遠遠比唔上一個天才中五生,
其實好多大學生都是由一些沒有學歷的天才教出來.
馬榮成中二,黃玉郎小六,全港沒有一個大學生博士生有他們一成能力,
黃玉郎更已經是大學教授,
可笑的是好多大學生為了取得更多利益去攻擊比他們能力更高的人.
而家好多大學生其實根本冇料冇理想,心中只有錢錢錢,簡直係垃圾,浪費社會資源.
還有臉自稱自己思想好唔同.

都會ga~睇下你係會背景囉...如果男方佢老爸係有權有勢!!佢唔鍾意女...
想分開你同佢都係易如反拳.....係海豐省果邊聽講人都好多呢d....
不過係香港...我就覺得你同佢真心相愛就由無可能都可以變成有可能....
唔一定要男才女貌....!!係我身邊既朋友就有3對....不在乎其他...只在乎彼此的相愛

我覺得冇所謂門當戶對.. 拍劇既陳家樂都娶左個有錢女啦..
最重要相愛jer..
咁當然我亦見過, 我有朋友家人反對, 男既做五金太子, 女既父母話男方唔係白手興家啦..
咪攪到分手收場..男既已經結埋婚tim..
幾奇怪都有

E啲會唔會有點兒過時，只要真心相愛就得la