想到澳洲讀master

有大學學位，有四年工作經驗，只要英文夠好，申請Master應該冇乜困難（你要好好地寫你嗰篇自述囉），入得去，只要肯讀，一定畢到業（學校係唔會專心令D勤力嘅學生畢唔到業嘅，而且，Master多數都係做Project，肯多花心機／時間，一定唔會有大問題）．
澳洲應該最好嘅係ANU同Melbourne U.，其他就係D用大洲既名／大城市既名黎命名既大學咁啦，再落黎就係D用細洲既名黎命名既大學．．．．
學費大約AUD 25,000一年for overseas postgrad.．
生活費豐儉由人（都要睇你想住成點，同埋要幾多娛樂嘅），學校講話要AUD16,000一年（我就話唔使咁多，一個月幾百蚊就夠，租住一個星期$100，食嘅如果自己煮，平到乜野咁啦，巴士可以買年票，唔同圍玩，幾百蚊一個月好好使）．
讀書可以做Part-time（要申請working rights permit），一個星期最多可以做２０個鐘，肯做都唔難搵part time嘅（幫中國人打工俾人刻薄下咁囉）．
你如果只有三年前同埋高考嘅英文成績，咁可能要先做english test學校先會收你．
有時間可以上D學校網睇資料，你會搵到晒你問嘅問題嘅答案．
另外，你如果唔係一定要”去”（去到）澳洲讀Master嘅，可以考慮讀distance learning嘅（可以響香港攞學位，一年只要去上一個星期堂），可以一面做嘢一面讀書，一來唔會脫節，二來可以有穩定收入，好多好嘅學校都有呢D安排，而且畢業張Cert同埋個degree係一樣嘅．
希望幫到你啦．