朋友患上癌症，有無人可以幫我解開心結 .............

有無朋友的家人不幸患上癌症?我男朋友上星期剛知道患了鼻咽癌,明天去威記醫院做檢查(分析期數的檢查).
自從上星期知道有事開始,至到今天,日日都是度日如年.時間非常之難打發.現在未正式做治療已是這樣,很難
想像做治療期間會怎樣.我已經o係網上面睇過呢個病o既資料,真係越睇越心寒.我自己o既心情真的不好受.
在公司只埋頭工作,上網找資料,根本唔想同其他人講o野(因有d同事識佢屋企人,而佢又唔想俾屋企知住);
回家後大家又強裝無事,但好明顯不如以前一樣o甘多o野講.我已經偷偷流淚好幾次,唔知佢有無,(不過佢亦唔會
o係我面前給我看見,因為佢要給我看到他堅強的一面).佢之前很喜歡跑馬和上網,但有事之後便提不起興趣,
每次叫他睇o下啦,他又不願意.

其次,o係知道有事之前,剛好同我細佬報o左名去旅行,依家o甘樣,真的唔知點算,佢叫我唔駛擔心,照去,但如果我去,
我又好內疚,而我又唔知點樣同我自己屋企人講,我知我媽媽一定好為佢擔心.....

我個心依家好痛 ! 唔知點樣抒發心裡面o既痛.真係驚控制唔到.有無人可以幫我解開心結 .............