問同一 grade 的工作

通常大公司都會為各種一般post設定一個薪酬訂定指引（上下限），例如初級文員，初級會計，初級sales，秘書等等，而通常內務人員嘅底薪會比較高，冇佣金冇獎金或者好少獎金，而sales底薪會低D，但係有獎金有佣金．
而上下限亦會因為工作性質唔同會有差異，通常一般文員（行政，總務嗰D）會比會計，秘書，船務，跟單嗰D低少少（有一技之長一定值錢D）．但係因為呢個只係一個range，其實唔係代表某某行政文員嘅人工一定低過某某會計文員，仲要睇下佢嘅工作年資，工作表現等等因素嘅．
希望答到你嘅問題啦．