請各位高手預計我會考幾多分?(萬分感謝)

我估你如果多做閱讀理解,留心聆聽的內容,中文應可考獲第二級,英文如果努力溫習閱讀理解,也可能有第二級,Maths你做了9年試題,再加上你重溫一次,應坐d望c,econ你靠背,選擇題條條都好難的話,搏它拿e,account 你看中文題目,再加上努力,可能坐e望d,geog聖誕節先開始溫習,雖然是遲了一點,只要努力,背誦課文及理解各個課題的聯系性,再做多一點試題,應有d,中史買了參考書,你先溫習所有朝代的興衰,皇帝的更替,所有重要的事件,再加上你溫習參考書的題目,應有d.總括來說,預計你會考可能有8-12分.

其實我覺得你唔好咁擔心住啦.. 我覺得你都已經好勤力架啦, 讀左書, 放左心機落去, 就唔需要咁擔心架..

我諗你都會有4-5 分既, 但係唔好淨係睇住個分數..

或者我可以俾少少tips 你既..

中文個的, 你真係需要明的課文講緊咩, 因為有的係文言文, 如果唔識既話, 考試既時候, 根本人地問既野, 你都唔會答得到. 讀熟每一科, 睇下佢有的咩特別既野, 睇番的past paper ,之前的人問過咩, 點解會咁樣問, 之後再去睇下應該讀邊一方面多的.

英文個度, 依家其實時間就唔係太多啦, 或者咁樣啦, 你試下係作文方面下苦功啦,睇下past paper, 試下作, 之後俾你學校既老師教, 叫佢俾評語你, 你就不停咁去作, 去改 ,到考既時候, 應該都會好的.. 因為作文個的你可以捉到佢今年出邊一隻. 之後做多的Paper 2, 因為其實佢唔係太難既, newspaper個的字亦都唔係太深, 做既時候,睇左Question一次先, 之後就去睇下篇文講咩, 第一次就咁望下就得, 等自己有個印象, 之後就去答下的問題, 如果搵唔到答案既, 就慢慢再睇多次篇文,咁就得架啦.. 呢排睇多的newspaper 啦, 因為佢通常都係South China Morning Post 度出架, 查下的字點解.. 無左字典機既時候, 試下從上文下理去估下個個字係點解, 依家都盡量少查, 估下先, 之後就攞本簿去寫低, 等自己唔會唔記得. 同埋多的同朋友講下英文, 講錯都唔緊要, 最緊要肯講, 諗野, 盡量用英文去諗, 咁就得架啦..

數學個度, 做多的past paper 就得架啦, 因為佢的multiple choice 其實係好簡單, 盡量係Section 1 度攞分, 因為個的真係好簡單既. 係你做past paper 既時候, 睇下自己邊度錯得最多, 咁就再溫下個個part, 之後多的做下, 咁就應該好的既..

Econ, 呢科就難的, 因為全部都係講concept, 如果真係溫唔到, 或者唔明既, 或者都需要去讀下精讀班, 等佢地tip 下題, 咁你又可以易明的, 亦都淨係溫的大機會出既..

Account , 呢科都唔係難既, 你睇下佢今年會出咩多, 之後就做多的個的part . 其實Account 做得多就得架啦, 因為好多野都係一樣, 亦都唔係話太難既. 最緊要都係個句啦, 要知道自己唔明邊度, 唔好就咁錯, 做錯左, 你都要知道點解會錯, 下次唔好再犯同樣既錯..

Geog , 呢科或者都要俾多少少時間落去讀, 做下past paper, 睇下書, 同埋依家既environment 就得架啦..

中史, 呢科都唔係太難, 睇多幾次書, 同自己講下故仔, 等自己記得好的, 咁考既時候, 就會好的架啦..

唔好怕自己唔合格啦, 睇得出你都好勤力, 俾的心機, 淨係諗住自己會合格, 咩其他野都唔好去諗. 我俾信心你.. :)

因為我都係幾年前考會考, 但係唔知佢既形式有無轉到, 但係都希望可以幫到你啦.

2007-02-06 00:01:03 補充：
仲有呢.. 平時溫書既時候, 唔好逼得自己咁緊.. 我自己就有一個溫書方法, 希望幫到你啦. 首先溫50 mins, 之後就抖10 mins(可以食下野, 睇下電視), 之後再溫40 mins, 又抖10mins, 一路慢慢由30 mins溫到20 mins , 咁就抖 20 mins, 就由50 mins 開始番.. 因為一次過放太多野入腦, 根本咩都記唔到, 變左哂左自己既時間.. 溫完就獎勵下自己, 出去行下, 玩下.. 咁就會好的啦架啦.. :)