養狗心得...

佢啲臭臭形狀靚唔靚的？(是否爛屎？water？)你話好臭，我驚佢可能有病喎。而佢隨處便便，一來你未開始教佢，二來佢太細控制大小便的肌肉(器官)都未發育好，耐心啲啦。
因為你的狗買回來不久，很多潛伏的病可能都未病發出來，例如狗瘟，潛伏期是十四日，所以當初我養狗時，獸醫亦叫我觀察佢14日沒問題先帶佢去打針。
另外你話佢好攰，又話佢玩得好精神，好似好矛盾咁，因為我知道有些黑店會替患病的狗仔打針，令佢地好亢奮精神，亦令佢地的病延遲病發，目的當然是令狗仔順利賣得出。但到針藥的藥效一過，隻狗仔就會病發，嚴重的可能會死。
現在你可以做的便是細心觀察狗仔的情況，一有唔妥便盡快帶佢睇醫生。正常的狗仔會成日瞓，但瞓醒會玩呀、食呀、玩到累又瞓。大小便的次數也很多，幾本上一日七八次小便，大便則是食完便痾(可謂直腸直肚)。
其實買狗時真的要好小心，沒有良心的黑店實在太多了。
希望你的狗狗冇事啦。

2007-02-09 13:34:38 補充：
如果佢的便便係正常，但仍然好臭，咁就應該隻狗糧唔係咁好，可循序漸進式咁慢慢同佢轉過一隻好啲的糧。因為寵物店餵自己的待售狗仔，係用好cheap的糧，你問下獸醫，睇吓有乜好介紹。不同的狗糧會立即影響便便的顏色、氣味甚至便便的次數，跟住就會見到狗狗的毛、皮膚等反映隻糧好唔好。

以上兩位網友都解答咗你一些問題。
其實養狗真係要有愛心和耐性，有時要重覆教牠，
而且小狗現在只有兩個月左右，更加需要細心照顧
和给與牠愛心。
養狗首要教好牠如廁的正確地點，市面有一種專讓
狗隻大小便用的盤，上面放一塊如尿片般的吸尿纸，
清潔又衛生。
其實狗隻如厠時，都會有些，小動作，尤其大大，
通常吃完狗糧，不久牠就會大大，而且大之前會嗅地下和轉圈，
只要你留意牠大小便的小動作，一發現就立刻抱牠到應該如厕的
地方，試多幾次，牠就會明白。
養狗應該给牠愛心，而不是打駡。