貓貓下巴生左好多黑色的粒粒....

係, 果d係猫猫o既粉刺, 唔係隻隻猫都有, 我就得大女有......佢o既成因係因為衰咪咪食野個陣成日個下巴掂到d食物, 咁d污糟野就"痴"住下巴, 如果我地唔幫佢抹, 佢自己有時又lam唔到下巴, 久而久之就會好似我地塊面因為污糟而生暗瘡咁架.......

要對付黑粒粒有兩個方法 :

1) 佢地開完餐之後就由我地幫d猫大帝抹口保持清潔

2) 可以用有殺菌用o既洗手/沖涼皂液, 開稀佢(不過唔好開到水咁稀),
用毛巾濕少少皂液再捽落d黑粒粒度, 你就會發現d粒粒開始會跌
落毛巾度, 直至捽到無晒為止......(不過唔好太大力, 同埋小心唔好
比猫仔lam到d皂液, 最後再用清水毛巾抹清所有留低o既番皂泡。

唔駛睇醫生咁嚴重, 只不過佢地食野唔抹嘴......除非係嚴重都發炎流血甩晒毛 ! 不過機會都好微 !

佢地有時亦都會自動好番.....我其中一個仔就係咁架, 之前都有黑下巴, 但之後又自動唔見晒d粒粒, 不過我地做得佢"僕人", 咪主動d服侍下佢地囉 !

你亦都可以試下更換一個唔咁深o既碗比佢地食野, 等佢地食野時唔會咁易掂到個碗同d野食。