我好想請四日病假

我好喜歡你如此坦白講出你要請四日病假的原因。

但你有冇向勞工處查過請一日病假僱主係唔係可以扣糧呢？據我所知勞工法例係一個月有一日病假及一日往院病假喎！而請足四日都視乎你在該公司可享有多少累計病假，唔係個個月都可以“憑醫生紙羅四日假”

我試過有朝晨早返工，買完早餐過馬路返公司，比個未訓醒既女司機嚮轉彎時以慢速碌到隻腳，但因當日要上court做野，痛到死都頂硬上，下畫隻腳開始腫，傍晚仲要去教夜學，捱到夜晚十點幾先去“急症”室，分流站個護士一聽到係俾車碌親就安排左我馬上見醫生，然後照X-ray，結果冇骨裂，唔駛留醫，果個醫生仲問我要幾日假，我話唔駛啦我今日都有返工，仲走兩場，佢既視線立即由我既病歷表轉移到我面上，佢話佢行醫十幾年未遇過咁既病人，隔左一陣又自言自語：都係唔好喇，寫一個禮拜俾你啦，宜家醫管局d政策好麻煩，事後想補要辦好多手續……

除左七日假紙當然仲有止痛藥+消腫既按摩膏啦。最終呢七日假我都冇放，雖然肉體上真係幾痛，但放完之後我老闆、下屬、客戶會令我精神上面對更大痛楚。

補充一點，響急症室你報告的受傷原因可能會轉介警方接手，例如我個case，警方會問我案發地點，時間，肇事車輛類型，是否記得車牌號碼，司機事後有否不顧而去，再見到佢認唔認得等等……警方好易從你既回答中找到破綻，你好好考慮是否值得為小小錢鋌而走險喇！

我當時見情況唔嚴重就決定唔備案喇。後來公司X'mas ball先知原來果位女司機就係我老闆位千金，佢果日arm arm送完佢daddy返工就碌到我喇，佢認得我，而家仲有幸成為我女友添！話唔定你都會因為蝕小小錢/病假而有意外既得著呢！

2007-02-05 22:13:20 補充：
呢件係兩年幾前既事喇，我估老闆事發不久已經知道自已個女碌親果個係我，因為我隻腳好腫，要一隻腳著拖鞋襯西裝，見客就遮遮掩掩唔俾人見到隻腳，佢冇叫我休息，但叫我果排返工放工搭的士，拎d單返公司claim錢，X'mas ball既相遇我估原本係老闆想佢講聲sorry，點知我地竟然撻著左。所以，年青人，有時睇野長遠d，唔好只顧眼前利益。

-發燒
-懷孕
-肚瀉
-奇難雜症(普通醫生,不能去下決定)

諗都請四日假,但係最好都係唔好咁做啦...

我試過鼻竇炎請左一個星期病假,鼻竇炎同傷風感冒差唔多,會有小小燒同鼻涕,但d鼻涕有d臭,我都燒左3-4日先退,我諗都請到四日假,但係最好都係唔好咁做啦...