關於懷孕問題...請大家幫幫忙啦~~~~~~~~~~~

1)身體點樣唔健康呢?難度有濫用藥物??還是有吸毒??你唔駛膽心,去聽吓醫生既專業意見仲好啦...
2)當然唔會啦.如果係公家產前第一次既約期唔會太遲.
3)睇吓邊間醫院做產前喇,如果係母嬰健康院既話,應該唔會有得做.因為好似醫院先有,但係你唔駛膽心架,因為母嬰健康院做產前佢點都會安排你到醫院做超聲波,但係唔知幾時,四年前我係廣華做產前,第一次已經有做超聲波,但係屯門醫院呢,兩次懷孕都冇做超聲波喎.
其實頭嗰兩三個月照超聲波只係睇到bb既心會跳,同埋開始見到有結構,但係如果想睇吓個結構正唔正常好似多數都要等到21週左右
4)我冇睇私家架,因為我冇錢麻..只好靠公家,因為我身體有啲問題(可能係子宮頸鬆要在某個時間前做手術)所以每次做前產都要到醫院做既,但係如果你有錢,當然加埋私家醫生好啦,因為可以聽多一個專業意見麻.

(1) 唔多唔少都有影響，要睇你身體唔健康的定義啦，如果係體弱就怕ＢＢ　ｋｅｅｐ唔住
(2)兩個幾月先去做第1次產前檢查遲左Ｄ，最好而家快Ｄ去
(3)政府醫院第1次產前檢查未必會照超聲波，ＱＥ到而家(８個月)佢都未同我照過，照超聲波唔可以１００％肯定bb健唔健康，但１２ｗｅｅｋｓ要照ｏｓｃａｒ，２０ｗｅｅｋｓ要照結構
(4)我有左之後一個月睇一次私家醫生，安心好多

1) 有可能架, 一來你自己如果身體唔好, 有左bb, 負荷大左, 你自己可能會比平常人辛苦, 二來可能影響bb吸收營養. 所以你有左, 要小心飲食同行動, 以保大小平安.
2) 唔算遲
3) 唔係 - 第一, 要視乎你幾時做第一次檢查;第二, 有d胎兒問題, 可能係要3-4個月至從超聲波, 驗血, 驗洋水至知. 所以定期檢查係非常非常重要.
4) 唔一定個個睇私家. 但如能力應付到, 我建議自己都搵私家醫生做定期檢查 (不要怕重複, 因政府醫院/健康院唔係個個月都同你照超聲波, 但私家就唔同, 照超聲波可以更清楚睇住bb發展), 但當然健康院/政府醫院嘅醫生姑娘都好有經驗, 佢地可以 [摸肚] 知道bb size或會唔會胎水過多!

祝你母嬰健康!!