日本一問？

1) 4-5月去日本...天氣同現在香港的天氣差不多...一早一夜大概十零度...到下晝出齊太陽都有成廿度的,如果自由行行足一日的都可能會有熱熱的感覺....我上年5月頭去返黎仲發覺自己晒黑左tim.....
另外提一提如果打算去埋箱根呢...就最好帶多件衫喇,因為果到會比東京市區再凍起碼幾度的....加埋風比較大,都會有一點寒的....

2) 5月去價錢一定會比4 月去平的,因為4月香港有ester長假點都一定會貴一d喇...
我上年去東京4月29出發,玩8日住池袋..package大概$6800左右...

3) 如果計方便就一定會係住新宿區比較好喇....始終係交通o既中心...差唔多大部份jr線果到都可以上到車...
個人比較喜歡新宿太子酒店,價錢唔係最貴,算係香港人自由行其中一家熱門選擇o既酒店,近火車站,留下就已經係歌舞妓町,夜一夜都十分旺...
如果想平一d,vintage 同 華盛頓 都ok o既...係會比較遠火車站一d,但始終都係新宿區故此都係方便的....
日本的酒店點都係細架喇...所以冇咩所謂啦...最近要方便同平!!!

***留意如果係5月頭一個星期去的話就要注意喇....因為日本果邊係黃金週...係公眾假故期...故此酒店房會比較緊張,預早一d book就會穩陣d.....不過預岩果邊假期都有好處的,就係d商店都會輕輕的延長開放時間....起碼唔會8點就話閂門咁掃興.....

日本東京4-5月大約係10-18度之間, 日間會暖些, 有機會落雨. 梗係要著褸啦!

如果你要係復活節去機票同酒店係會貴d, package大約最平都要4500千蚊一個人, 我有次想慳d錢, 住咗間叫池袋Threatre, 係間Business hotel, 好平, 亦好方便但係唔靚, 斜對面有間Tokyo hands, 附近亦有間伊勢丹.

如果5月去的話, 就一定平好多, 可能三千幾一位都有, 最平係去東京, 其次大阪, 要去其他地方就一定會貴d.