有人教我點追女仔嗎

追女仔最緊要係投其所好,只要自己本身條件唔差,想追到女仔絕對無難度,
不過要睇下個女仔既要求係點,如果你同佢心目中既條件不符合,而你又真係好鐘意佢,
咁你要再做d野幫自己加分至得。

你應該首先知道個女仔兩樣野:

- 佢鐘意乜野type既男仔(e.g.運動型?斯文有禮型?多金型?)
- 佢個性係點(e.g.文靜內向?活潑好動?艷麗豪放?)

再從佢既性格同喜好入手,晌佢鐘意既野上面下手,比如話佢鐘意hello kitty,咁你咪借頭借路送d hello kitty野俾佢囉。通常初步都係送野俾對方先,試下佢對你既反應,收到你d禮物,女仔多數都會好開心,不過有d女仔禮物照收,但偏偏唔同你進一步,所以重點其實係要睇下佢收完禮物後會唔會回應,如果佢對你有意,而你又唔係太遲鈍的話,你會feel到佢開始對你好d,咁就證明你得左;如果佢無乜反應,咁一係佢就有男朋友,一係就係佢好貪心,佢唔係好鐘意你,但又鐘意人地送野俾佢,所以乜都唔做,諗住釣住你條癮。如果對方係d咁壞既女仔而你又真係好鐘意佢,咁你預左會追得辛苦先啦。

無論送唔送禮物,你都一定要先識佢先,或者可以話,先俾佢知有你依個人先,咁佢就算想進一步都有藉口同你講野(話晒係朋友丫嘛)。內向既女仔,你可以用sms/email同佢溝通先,你地同班嘛,話晒都係同班同學,佢唔會唔理你既。外向既,你就可以參加佢join既課外活動,藉課外活動同佢混熟亦可。

唔係個個女仔都buy有錢仔架,真係要睇個女仔既性格,單係睇你既問題,我只係知你屋企有d錢同夠高,條件都ok,但可以話,女仔雖然唔係好重視男朋友既外表,但係都唔會好鐘意「八両金」之類既男仔,如果你外在唔夠,咁你要有多d才華先至會引到個女仔既注意。依d就係之前我話「做d野幫自己加分」既意思。

好,追女仔要加油呀!

你用心追就可以~~

用盡你既愛心去lum佢
好似送禮物ah 做d令佢好開心既野
同佢表白啦 最好緊系揀d好浪漫既地方再加好令人感動既對白
執好個樣啦仲要 比佢一個最好既印象啦 加油!

最緊要是個心同誠意啦，屋企如何有錢，外表多好多高大，沒有誠意都是無用的。

用點心思，試試感動一下她。別忘了讓她知道你的心意，直接間接都好，她不知道你的心意就甚麼都不用說。