我隻貓貓d鬚斷晒

我而家養咗兩隻貓, 兩隻都係領養返嚟的唐貓, 兩個都絕咗育, 貓女養先，而家歲半，半年前，再養一隻仔，而家九個月大，仔仔剛剛到時，佢兩個打咗一個禮拜，之後兩個無再打仲好friend, 但係問題開始嚟, 最初仔仔返嚟時, 佢d鬚成日都無啦啦斷開一折, 我最初以無正常, 可能佢百厭自己唔小心整斷, 所以無為意, 但情況一路無改善, 佢而家d鬚已經全部斷晒, 包括咀兩旁, 面兩側, 甚至眼眉, 全部斷到淨返半cm左右, 短到應該無可能係佢自己整斷, 我開始懷疑係阿女所為, 但係佢兩個又無異樣, 依然好friend, 只係間中有好輕微打鬥, 而且我由始至終都無見過d鬚的[屍骸], 唔通有外星人拐帶我個仔攞佢d鬚做研究咩? 有無人試過呢種情況? 我可以點做? d鬚幾時可以生返? 我見個女有時好肉緊咁幫個仔舔毛清潔, 係咪佢整斷仲食埋? 又會唔會其實佢地面和心不和, 阿女特登咬斷晒阿仔d鬚? 其實阿仔佢都無咩問題, 佢平衡感各樣依然正常, 只係佢個樣實在太搞笑, 完全唔似貓~