點同agency講話唔做份新工? Urgent 呀！

理論上，佢應該唔會告你既，你可以同佢講：

1) 家中屋企人有事，需要照顧（無人叫你証實比佢睇架嘛），有病入醫，需要你照顧，如果佢話等，就要佢等一個月，利用呢個月，睇下你新果邊份工，係咪真係ok，唔好既，咪又可以返去嘛，係咪？
2) 你有親人去世，但在外國，你要與家人出外幫忙
3) 你自己有病入院，未知住幾耐

隨口都亂講到啦，仲有，你越快講越好，我試得多啦，你都要明白，佢有得選擇，你亦有，合約亦有註明開工日既，你未正式開工嘖炸？其次，佢根本未知你既能力、效率，佢亦無辨法評估你真正既實力，所以佢都會有保留既，佢地唔係傻既，因為佢地係公司呢架，一定有後備！

不過我比個建議你，呢個世界，山水有相逢，唔好唔識做，講得要得體的好，要令佢明白，你只係個人理由，做唔到，唔係唔想做，到有機會既，你會返來做，一來唔會得失佢，二來留條後路比自己嘛！

其次，轉工唔好只係睇錢，仲要睇將來，份工穩唔穩陣，唔好做一兩年就無得做，人工入職好似好高，但以後就唔知既，就要小心！

註：千析唔好同佢講，你有另一份，咁即係講，佢地無咁好，人地會唔happy既，亦當你玩佢，另外，佢等唔等人用，你唔好理，佢係一間公司，你認為，無你一個，真係會影響到公司整個運作嗎？

如果你已經同agency A 嗰邊個僱主簽咗約而毀約, 他有權從民事訴訟告你, 但邊有僱主咁得閒, 又要錢, 你誠懇啲同佢say sorry囉, 冇事嘅, 如果真係好驚, 咁你可以返一日工, 即時比辭職信, 一日通知走得

如果你同agency "A"已簽咗合同咁嗰邊個僱主就可以告你,但只是口頭上的話你當然可以唔去返agency "A"個份工啦.其實你可以同佢講另外有一份無論人工或工作上要接觸的比較符合你的要求.當然如果你本身條件好你話佢知遲d有更好的你一定會考慮.agency 一定會再找你.至於等人用其實個agency手頭上應該有好幾個人只不過佢地會找個比較合適去介紹比僱主(容易luck手).

希望幫到你啦!