十六歲老貓牙肉發炎 !!!!! 急 !!!!!

2007-02-03 11:46 am

我屋企隻貓貓 ( 已經十六歲 ) 昨晚左邊面突然腫起咗 , 今日重腫過昨晚 , 食量比平時小一半 , 懷疑是牙肉發炎或者其他口腔疾病 , 佢唔比我檢查佢個口 , 我現在唔知點做好 , 如果帶去睇獸醫 , 我又驚D獸醫唔識得醫佢 , 隻貓貓已經十六歲了 , 要就住黎醫的 , 我驚D獸醫缺少醫年老貓的經驗 , .............. 我應該點做 ?????????????

更新1:

今日帶了貓貓睇獸醫 , 檢查到有蛀牙同牙石 , 所以令到貓仔塊面腫晒 , 又流血又有膿 , 獸醫幫佢打咗止痛針 , 開咗一個星期抗生素, 下個星期覆診再睇下有冇消腫 , 如果情況冇好轉 , 就要考慮同佢剝牙 , 但剝牙要麻醉 , 獸醫話年紀大手術後可能醒唔返, 我即場喊咗出黎 , 我真係唔知點做好 , 希望貓仔可以順利過到這一關 !!!

更新2:

今日帶了貓仔覆診 , 現在已經消了腫 , 食得到野 , 我現在放心D啦 , 希望貓仔唔好返發 , 我實在唔想失去佢 , 希望貓貓能在家中安享晚年 , 最後要多謝大家的解答 , 各位講得都好有道理 , 我難以選出最佳解答 , 現在交付投票 , 再次謝謝各位 !!!!!!

回答 (4)

토리 토리

2007-02-13 9:59 pm

✔ 最佳答案

首先你一定要有心理準備,始終貓貓已經年紀,即使可能係小病,但對佢來講都可以係好嚴重,因為佢既抵抗力已經大減,而且復原能力亦會較差,即使佢好返,亦未必可以好似出事前一樣,你要明白呢個現實.
通常係有爛牙,又無及時處理先至會引致牙肉發炎含濃,如果唔拔走隻爛牙,咁d濃就唔可以由正常位置流出,變左會谷哂向上,引致到佢塊面腫哂.
其實呢個情況佢都幾危險,因為d濃會隨住血管走,佢谷上塊面,亦有好大機會會影響埋隻眼同個腦,你咁樣聽好似好無離頭,但我可以好肯定咁話你知,係有60%佢會有可能會咁樣,而且佢依家依個問題,會令到口腔既細菌激增,而佢每日都會不停咁將d細菌含吞落肚,唔可以排除咁樣會引致到其他問題.
即使佢食左抗生素,但佢既爛牙唔剝,都會好快再返發,你要考慮清楚

👍 0 👎 0