任劍輝白雪仙合唱之牡丹亭驚夢之幽溝的歌詞

（夢梅雙星恨唱）好似月裡仙降凡塵，佢輕弄絳紗，輕弄絳紗，莫非冷煙蔽月華，她雨中竟自迷途迷途錯歸家。

（麗娘搖頭介白）你錯啦（接唱）我寄寓寄寓在柳陰下，悲風霜乞片瓦。

（夢梅上前一揖介接唱）非關有意有意苦追查，夜半芳齋欠奉茶，妳莫借西廂送葯茶，我借盞秋燈你小心歸去罷。

（麗娘搖頭介接唱）嘆惜我命如霧裡花，杜麗娘未有家泣孤寡。（白）我...我真係無家可歸既。

（夢梅愕然食住序白）哦，原來妳連家都冇架？世間女子焉有無家之理架，呀，我知啦（續唱曲）莫非天仙姐姐妳愛我瀟洒，所以偷偷降落柳生衙，可惜我一介潦倒潦倒既寒儒怕有偏差。

（麗娘苦笑搖頭介白）你錯啦（續唱）既屬有夢鑄佳話，當管不了月夜，月夜叩奔君家，我慕君風華，我愛君風華，盼君泣月下，屈居柳陰受霧雨打，盼蝶來活了解語花（哭介）

（夢梅愕然介白）小姐，點解妳忽然又淚隨聲下架。（接唱曲）佢泣訴多風雅，悲逝水韶華，呀，妳欲仿效情花再萌芽（白）妳係咪文君新寡架？

（麗娘白）唔係（續唱，雙星恨）貞花未嫁架
夢梅驚喜介白）呀，妳未嫁架？

（麗娘續唱）我獨處深閨未嫁架！

（夢梅接唱）既是天仙天仙未嫁，哎呀亦緣也，咁就福份也（欲親近又不敢介）哎呀，想落心中驚怕，心中驚怕，點解會相見焦樹下。

（麗娘一笑接唱）君心休怕，君心休怕，君不記你揖拜仙觀下，風吹飛花有心報與君，在佛前為你洒，致令郎拾去我丹青畫。

（夢梅尚帶驚介白）丹青畫 ！咁到底妳從何而來架？

（麗娘白）公子，你何必疑雨疑雲，驚風怕雨唧...丹青畫丹青畫...我生於畫中，當然係來自畫中啦。

（夢梅白）來自畫中？莫非妳就係畫裡真真？

（麗娘白）你睇真下。

（夢梅白）我對真下。


（麗娘白）係唔係呀？

（夢梅白）哦，真係播。

（麗娘笑介續唱雙星恨）咁真與假呢？ （夢梅接唱）確未有差。

（麗娘接唱）祗係腰瘦減，

（夢梅接唱）一般貌似花，丹青仙姿兩瀟洒。

（麗娘接唱）被冷煙冷煙蓋玉顏，銷毀了鉛華，驟降丹青價咯。

（夢梅情狂接唱）鴛鴦帳裡同夢去囉（擁麗娘）

（麗娘羞介閃開接唱）又怕冰肌凍著了郎又怕。

（夢梅接唱）唔怕，唔怕（一才收）（打二更介）

（麗娘更羞接唱）我又怕，又怕，聽二更斷續了兩三下。

（夢梅拖麗娘絳紗介接唱）怕月照香衾，且閉窗莫理他！

你可以用ｆｏｘｙ
ｌｅｅ個軟件下載