彩色影印影到一肚氣，去邊間好？

因為幫學校出校報(由8張A4單面，影到變2張A3雙面，咁中間釘住就可以變o左本8頁o既書)，去灣仔道188號東方188商埸地下o個間"勵福文儀用品公司(平靚影印中心)"。同學話平！但佢一知我影得唔係多(30份都唔夠)態度就好差！又無抹乾淨個screen先影，搞到我份份唔同位置都有d"漬"o向度！佢即時影o左份黑白俾我睇，但我話好易錯唔擺低，佢話好忙堅持無得即刻攞！！結果第二日媽媽幫我攞，我放學睇先知影錯！我一早已經將page number用post-it貼住o左、又另外再加張紙話佢知點影！最後我打去問佢有無得補影番(當然係免費o個隻啦~~)，佢話無，仲叫我「咁你以後都唔好o黎囉！」！！！！！！(←今時今日咁o既服務態度喎！)
但$1.2影一張A3雙面真係非常平！其實我住佐敦，由於每個星期去銅鑼灣補習會過香港，我試過問屋企附近，最貴竟然收我10蚊！(最平都要4蚊)實在差得太遠！！
其實想問銅鑼灣、灣仔區、佐敦邊度影印有心機同埋即刻可以攞....最好~
仲要好似o個間只係個幾銀錢咁平??? (淨係平都無用，影錯o左又要去過仲麻煩！)