梁家傑選特首是否做政治秀?

good

政治秀...我唔肯定你既意思係咪指佢想出黎博出位
但我唔同意佢係扮野博出位

1.明知選到既機會好渺茫,點解仲要選?佢有面皮,都怕比人笑傻仔..

因為香港黎到第三屆都無人爭做特首,
曾蔭權、董伯伯做成點,市民既比較空間較少
有競爭的話,可以指出對方不足之處

2.點解佢要向市民籌錢?明知唔會做到,仲要香港人掉錢落鹹水海?
佢地公民黨,個個都係有錢佬...

因為香港人的政治參與率好低
梁家傑想多d人involve係今次選舉入面
多d人參與推動民主

3.梁家傑本身已經係大狀,錢多到用唔晒,又駛乜做show博出位?
佢已經係香港好出名既律師了.

4.要令到選舉在有競爭下進行 同 由七百萬人來選特首 並無矛盾/衝突。
而且要同時做,先可以叫做民主第一步。
前者講緊,改善政治氣侯同特首質素
後者係選民/受眾既參與
如果有好多特首侯選人,但無普選而由中央政府揀邊個做
(或者係果d乜野代表去揀,一樣姐,總之普遍香港人無份),一定唔係民主。
如果無人參選特首,等一個侯選人,有七百萬人又如何?根本無得揀。
以上兩個選舉結果,香港人都係被迫接受,點算係民主?



我認為梁家傑係真心幫香港推動民主
想激發市民諗多d關於政治
令政府唔好得「單一風氣」

如果我可以投票,我會揀佢
我唔係覺得佢好,我仲未睇佢政鋼
但我想香港人可以睇下
唔同人會點做特首
要香港人試下「揀特首」

如果佢做到,又做得好
恭喜,香港有機會返生
佢做得唔好
對唔住,呢個係民主附帶的drawbacks
香港人要承擔返揀錯人之後果五年,
甚至更長既dark age

就算佢真係做唔到特首
但好處已經多多了
1. 大家睇到佢點攻擊曾蔭權,知道曾蔭權有咩不足,
等佢可以改善,做得更好,對香港有利

2.如果真係因為覺得梁家傑唔夠曾蔭權好
咁香港人對曾蔭權既好感會係咁升升升升升
因為佢羸左

3.香港人諗多左政治,至少閣下有興趣想知佢做緊乜


ps.呼...打完了...