想問關於零存整付或定期問題

做零存整付，一般都有 6 個月，12個月，18個月，24個月，個別重有長d，個人認為 12 或者 18個月好d，一來利息高d，兩年或者 3 年利息又唔算多好多。

零存整付同定期都係到期先可以取回既，上面既朋友講隨時，就唔係喇 (唔知佢講邊間銀行呢)。如果你等錢用，要求銀行通融，咁銀行同意的話，兩者都可能比你早d提，不過唔係一定得架，仲有利息可能會冇哂，或者只會比番 savings戶口既利息你。

我認為你而家已經有一萬，那一萬先做定期好(好多銀行最低既定期係 一萬蚊)，做一年半
另外，先開一個零整每月$1000，做一年半，零整同定期同時到期。

一年半後，如果唔計息，就已經有 $22000
再將 $22000 (加埋之前既息) 做一個定期，做年半；而又另外再開一個零整每月$1000，做一年半。
or
每月加 $1000 於已儲到既錢度做定期一個月，一個月一個月咁加，即係 第 18個月儲 $23000 (加埋之前既息) 定期一個月，第 19個月加多 $1000 落去 $24000，如此類推(呢個方法利息會本金化，本金係會大左，不過利率應該低少少，但係有急用時方便d)

儲蓄係要先有目標，零存整付係一個唔錯既方法，善用零整同定期就會更好。如果你只係做零整，咁你現在已有的一萬蚊就會冇咩用，所以應該兩樣一齊做。

我覺得零存整付較好，因為錢銀既野好難講，有時可能會急用，而零存整付可以隨時取d錢出黎，方便週轉。而定期就一定要於到期日先可取回。