用手提電話打去深圳及廣州需否額外收費及購買電話卡?該兩地的人是否全部講普通話?

✔ 最佳答案

你意思係用香港嘅手提電話響香港打去深圳同廣州？咁樣就係打IDD直通國際長途電話，係要俾長途電話費嘅（香港雖然已經係中國嘅一個特別行政區，但係唔知點解，仲要叫國際長途，而唔係”省內長途”，五十年不變啩）．
如果你用香港嘅手提電話，攞去大陸，用中國電訊或者中國聯通嘅網絡打深圳或者廣州，咁首先要俾漫遊費，同埋睇你響大陸邊度，如果唔係打所在地市內電話，仲要俾省內／省外長途電話費．
深圳同廣州都響廣東省內，大部份人都識廣東話（唔識講都識聽D），除非佢係外省民工，又黎咗唔係好耐（不過一般情況，商業機構唔會搵個唔識聽廣東話嘅負責接電話啩）．