学歷低及年齡比較大者投考警察時考官所問的問題以留難題為多。

1)可以答你係,因為面試既原則係選擇最合適人選,可能你比3個考官(鬼怪)睇到你既表現唔夠自信啦,佢地咪問d超級問題out你囉,就算你答中一條,都有第二第三條超級問題等住你

年齡方面其實唔係問題,我識有人34歲入學堂,學歷合乎最低要求已經ok啦!
面試最緊要係有自信,但係唔好自負,你既印象分好重要,過程中d鬼怪會睇你好多野,反應,思想成唔成熟,對周邊事物既認知,心態,做人處事等等多方面,識答既問題要講到point,唔好dou圈;唔識既問題都要答得大大方方,唔好思思縮縮.試想吓d鬼怪一日見咁多人,如果你既表現唔sharp,又點可以成功呢?!

你有左今次經驗,下次考你要預左d鬼怪一定會攔你;面試完結前d鬼怪一定會問你有冇野想講,一定要有,唔好話冇,因為呢一part可以令你由唔得變得,事前你要準備兩段,一就係過程ok,一就係唔ok你應該講咩,例如[好多謝幾位阿sir俾我再有呢次面試機會,因為我上次面試未成功,所以我今次用左好多時間預備今次既面試,我知自己仲有好多改善空間.............多謝幾位阿sir!!!]唔需要太多,簡簡單單就可以,盡量爭取多d分數

2)再考要等半年時間,你可以在差不多半年後再去招募組投考,所有測試過程都要做過
至於你話三個月後就會有招募組police打电話給你問你會否再投考多一次,你咪直接答佢會囉,仲可以問吓佢再考有咩程序之類既問題呀

希望你可以成功啦!!!