電單車既里數??

其實唔只係電單車, 所有車都有行車里數錶, 即係俗稱既「咪錶」, 數字愈細表示行得愈少, 部車少郁動, 即係機件磨蝕程度少啲, 所以值錢啲

之但係咁, 行車總里數都要同出廠年份成正比先得, 舉個例, 當平均一年行到二萬公里, 兩年行四萬公里 (如此類推), 換句說話, 一部00年出廠既車, 到而家應該總共行咗十二萬公里 (數字只係比你參考, 陣間會話你知點解)

如果你見到一部00年出廠既車, 但到咗而家, 總行車里數只得幾萬既話, 有幾個可能性:
一. 部車好少郁, 擺多過用; 如果係因為呢種情況, 行車總里數偏低並唔係好事;
二. 部車曾經成套錶版換過, 總里數會由零開始;
三. 行車里數錶曾經被人調校, 請記住, 「行車里數錶係可以reset既!!!」, 不過當然唔係你同我可以做到既事

至於你既最後一條問題好簡單, 儀錶上係會有顯示既, 你一定可以睇到, 不過數字係堅定流我就唔敢寫包單....

2007-02-02 05:15:52 補充：
第一點作少少補充: 因為部車長期唔郁都會壞既, 機件要有一定既運作量先可以保持狀態

電單車有個行車里數咪錶,佢係表示一架車由出廠到現在行咗幾多公里,當然一架車行得愈多機件愈易懷,所以愈行得少,部車愈值錢,
基本上總公里咪錶係冇得 RESET ,除非車行行古惑,換咗另一個落去啦~