關於從事 亮碧思傳銷 的人的心態問題

我以前個男朋友有做過亮碧思，佢係好俾心樹甘去做，一個星期差唔多日日都返去

話就話係學野，不過後來佢同我講返真實係做咩呢，原來係日日上去大叫大嗌，”學”點可以令到其他人心動去ｊｏｉｎ，例如要點樣著衫先可以令人覺得你真係好有錢（即使你欠下數十萬巨額的債），點想講野既態度，好似扮晒好積極甘，令人覺得入左去的人都會變到好積極甘，不過，我以前個男朋友入左去之後真係成個人都改變了

我同以前個男朋友一齊七年了，佢雖然細個讀書唔叻，不過佢好上進，不停有去進修自己，已經讀緊ｐａｒｔｔｉｍ　ｄｅｇｒｅｅ，又有一分萬幾蚊收入的工作，本來所有事都好好的，不過佢忽然識左個做亮碧思的人，不單止用晒平日死慳死抵儲來讀書用的錢，仲走左去借財務，開始時佢只係話自己搞緊一盤生意，問佢係咩又唔肯講，又日日都話唔得閒，漸漸又講埋ｄ口號式說話，講咩”我搵到了自己的目標”，”我可以買咩買咩俾媽媽，俾你”，”買野以後都唔駛睇價錢牌”，”讀書都係為左賺錢，不過讀左未必賺到錢”，等等，我同佢一齊甘多年，佢識講咩，唔識講咩，我心中有數，我開始覺得佢唔妥，佢又忽然買好多名牌靚衫，靚鞋，靚袋，同佢屋企人商量過，想佢講清楚佢做緊咩，不過佢死都唔肯講自己做緊咩，我地一再追問下去，大約問左一個星期，軟硬兼施，我地終於發現左佢去做亮碧思，仲借左好多錢

我地上網查，問朋友，搵到好多關於亮碧思的資料，不過佢唔聽，只說”上網講既野就一定係真？”，我唔明，點解上網講既野唔一定真，但係亮碧思人講既野就一定係真呢？之後佢屋企人同佢的關係愈來愈差，我成為佢唯一可傾訴的對象，不過我其實只是一個內奸，我表面上不反對佢入亮碧思，私底下我同佢屋企人一直有聯絡，甘樣過了兩個星期左右，佢居然想辭掉工作，全心全意去做亮唇思．

我死都唔俾佢辭工，終於佢都無辭到，不過我同佢決裂了，而佢的屋企人亦想到搵左一個心理治療師黎同佢傾，最後，佢無再做亮碧思，不過，我同佢的關係都告吹了
佢欠下巨款，佢同屋企人的關係變了，佢成個人都改變了

本來一個有前途的年青人，就因為誤入亮碧思，一切都改變了

可以入去真的有人可以賺到錢，不過，那個人會是你嗎？
又有幾多人入去之後，不單賺不到錢，反而一身債甘走返出黎呢？

我想回覆 : koslord2007的答案
乜兩年前有spa喇咩?
以我所知上年先有喎!!
咁你點拿spa呀??
唉...打左咁大段野,就係輸左呢句!!
唔該你專業d..下次諗清楚先好打!!

做得傳銷，錢當然最重要
我剛剛有2個非常好既朋友做左傳銷
識左好耐!!! 10年啦，就係因為傳銷反晒面

兩個人都係分別問3間財仔借左7萬去做傳銷
又唔讀書，差半年畢業都唔讀
屋企人知道左，傷心到咩咁.....年介80既公公見到.....喊到.......

佢地口講想改善屋企生活，其實諗既野全部都係為自己
一時又話想孝順父母，一時又話唔廿心平淡過一世
屋企人同朋友同佢講：咁好搵，全民做傳銷啦!!!
上網幾多負面新聞!!!又斷六親又家破人亡

佢地被人洗左腦當然唔會聽我，話咩一定得
唔得就跪玻璃點點點.....
一句到尾，"佢好想發達"
讀書叻未必發達，自己讀書又唔叻
自己可以發達既機會好低
唔扺得d師奶可以發達
網上面d人唔成功係因為佢唔努力
覺得自己只要依加努力d
將來打斷腳都唔洗憂
你唔join，到我發達個時你就後悔!!!!!

我又覺得諗法唔好咁偏激既,始終咁大間公司係度,
我自己都比朋友捉過上去聽,我諗呢行本身有得做,
不過比香港既sales搞到臭晒啦,
我覺得既然你個朋友已經唔做,而佢又唔想再提,
咁點解仲要去研究呢?
過程唔重要,最緊要就係佢宜家冇做啦嘛,係咪?!
光唔光采,其實唔一定係要呃過人先唔光采,
可能佢覺得果度d人個個都搵到$$,而佢又唔得所以覺得唔光采唔想提呢,
總之就係平安就得啦.

迴避自己以往從事這種近乎行騙的工作的不光采經歷,
亦都很不想身邊的朋友知道他們這不光采的過去。
講真比人咁呃.
係人都唔想提LA.
D人都傻架.
係咁易搵錢.
個個發晒達LA.

我覺得你唸得冇錯law...佢地成日都同人講話d香薰油可以用好高既價錢賣番出去, 要自己同佢地買左先之後自己再轉手...感覺上好似以前d人賣高科電子零件咁, 一轉手賺幾廿萬....大佬ar, 咁好賺你會益人???到你賣唔出既時候又要你用市價同佢地買批貨woo, 冇錢就要你向大耳隆借woo....好在你叫你gf走炸, 如果唔係佢賣身都唔掂...
當然有d人係咁...你講咩佢都唔聽, 又唔用吓個腦, 俾人話兩句好似咩一轉手賺幾萬, 好多人會買你批貨咁, 跟住佢就信以為真, 咁咪俾人昆law...講真果句, 真係咁好賺佢唔會益你la, 容乜易俾你分溥左ga, 話唔定sell你果個都係俾人昆左, 急住散佢手頭上批貨咪搵你做水魚law...我學校仲有人一次過買左好多貨但又散唔出, 借左佢地黎錢買左好多貨, 結果冇錢還, 財務公司仲走黎學校追數tim...
做傳銷真係好易俾人昆, 有d係光明正大咁做生意, 但有d就一心想昆你d錢跟住個老世就人間蒸發, 點解唔搵份有固定薪金既工jack???傳銷薪水個個月唔同, 有時可以幾萬蚊一個月, 有時得底薪3,4千...我不如搵份有固定薪金好過, 唔使驚下個月冇錢...

2007-02-14 20:22:45 補充：
我都係果句: 咁好搵你會唔會益人???咁好搵點解要上到財務公司借錢(咪即係去大耳loan借錢, 好聽d係財務公司, 難聽d咪大耳loan law)

我都做過亮碧思，但所謂做過其實係我入左會之後，曾經同一兩個好FDS的朋友提過，問佢地有冇興趣咁。當佢地話冇的時候我亦都冇講落去。
果一刻我覺得自已好討厭唔想再做呢樣野。大約半個幾月我就走左冇做。
好在當初我冇拉到任何一個FDS落水，如果唔係我唔知點面對佢地！！

呢行十個有九個半係揹緊財務，除左見客（水魚）／同事之外，我念當佢地一個人的時候，一定苦瓜乾咁！！