雖然我是教木結他的, 但有小小分享 :
19歲絕對唔遲, 只要你有決心, 再跟隨一位好老師, 應該無問題. 除非你自己放棄, 自己話自己唔得, 又或者你要一步登天.
音樂是很忠誠的, 你付出幾多, 收穫就有幾多. 像日劇..悠長假期...之中, 主角瀨名(木村拓哉)是鋼琴高材生, 教授不斷話佢前途無限..瀨名的女友(山口智子) 的細佬..真二, 是不良青年, 成日無所事事, 小時因怕考試一直不練琴. 有一次上到瀨名家中找姐姐, 係咁椅彈兩野, 令瀨名覺得佢超勁...突然無哂信心...咁話...
我覺得實際上無咁犀利既人, 起碼未見過所謂天才練都唔使就壓倒性拿世界冠軍, 否則我地練十幾年仲有 mud 意義, 平時唔駛練, 隨便兩野就超越高手, 實在無可能.
我又未聽過有人苦練一世都話唔識. 所以, 希望你攞出決心和信心, 一定得既...!
早辛苦早成功, 遲辛苦遲成功, 唔辛苦唔成功~~!
願音樂路途上共勉~~!!