✔ 最佳答案
你兔兔柯既可能係軟便. 你兔兔多大年紀? 你平時餵什麼俾佢食? 有沒有主要餵草俾佢作為糧食?
一般情況下, 兔兔應該以食草為主. 如果經常以兔糧/零食代替草作為兔兔既糧食, 兔兔既消化系統會因為唔夠纖維, 而唔能夠將兔糧/零食內既營養完全吸收. 因此剩餘既營養就會排出體外成為軟便. 所以高纖維既草對兔兔既消化有好大幫助.
另外, 零食一般含有高份量既糖份, 有機會令兔兔蛀牙, 所以為兔兔既健康著想, 應盡量減少餵零食. 而且兔兔除左門牙外, 口內兩側亦有牙齒. 正常情況下兔牙會一直生長, 如果兔牙太長會令兔兔口腔發炎, 引致口腔內肌肉受細菌感染而損爛. 最有效防止兔牙過長既方法就係每日無限量供應草俾兔兔食, 原因係兔兔食草時, 口內既草可以幫助磨牙.
俾兔兔食既草主要分兩類: 第一類係alfalfa草, 蛋白質成份高, 適合一歲以下既兔兔食用以幫助發育; 第二類係timothy草, 纖維含量高, 適合一歲以上既成年兔既消化系統, 而且蛋白質成份較低, 可避免成年兔過胖. 兩個類型既草都有唔同牌子, 唔同兔兔對每個牌子既喜好都會有分別; 你可以買少少俾你兔兔試食, 睇下佢鍾意哪個牌子.
至於兔糧, 其實兔糧既成份主要係磨成粉狀既草及額外添加既成份, 例如蛋白質及維他命. 一歲以下既幼兔需要大量營養發育, 所以亦要供應較多既兔糧; 一歲以上既成年兔基本上可以只靠吃草以吸取足夠營養, 所以兔糧不可太多, 甚至可以不供應兔糧, 否則太多兔糧會容易令兔兔過胖而生病.