LV 點分真假 ?

LV從來都唔會批發自己D貨比任何一間商店發售
每件貨品都係自己工場自己師父生產唔會外判比其他工廠做
所以唔會有咩野鬼鼠貨或者次貨外流之類既野
亦都唔會有outlet開廠也不做特價賤賣貨品
唔會有任何通道可以特平攞貨, 唯一途徑只有去專門店用正價買

去法國專門店買返黎大約係香港專門店價約75折左右
佢地D賣家現在以幾佰蚊, 即係正價約1折左右蝕賣比你, 你話有冇可能丫?
除非D貨係佢自己做出黎而唔係專門店貨啦(即係翻版), 成本約$100左右, 咁就有可能啦
咁你話佢D貨真定假丫? 佢地呃你話係水貨只係為左氹你買啫
真正既水貨都唔會賣咁平啦, 咁你現在明白未?

有時佢地仲會話係日本水貨, 其實响日本買LV仲貴過香港
應該掉番轉香港走水貨去日本先岩, 呢D咁既大話都講得出佢地有咩唔會講丫

而且去專門店買根本都冇出世紙, 只得一個紙袋同一張單

如果你問明知係假野拎出街有無人睇得出 ? 一般好似你現在對LV唔熟識既人會睇唔出, 因為真野都未用過點會識分? 但對LV有認識既人黎講一眼就分得到邊個真邊個假, 可能你會覺得外表的確分別不大, 但一D細微野例如車線, 防漆邊位......各方面根本完全係兩回事, 最重要一點係假野既外表最多只可以為持一段少時間, 用2~3個月就開始蓉蓉爛爛, 到時唔洗我教你都識分

你自己都識話好真, 咁咪ja係假個囉!!!
LV用品冇出世紙的, 你係咪未買過真LV呀??
好似我咁叻就識分, 如果你唔識, 咪分唔出囉....
分別在於花, 光澤, 字體 etc...