Admin 的工作

睇下Admin部門嘅乜野post啦．
如果係Admin Assistant，咁就同樓上嗰位朋友講嘅差唔多啦．
如果係Admin Clerk，咁就係做下啲冇其他部門理嘅雜項paper work囉．
如果係Admin Officer，咁就係帶住班Assistant同埋Clerk做嘢囉．
如果係Admin Manager，咁就係公司嘅”大內總管”囉，老細唔理嘅，會計話唔關佢事嘅，Sales又唔想理嘅，咁差唔多就係佢理㗎啦．
不過都要睇公司規模嘅，如果公司得幾丁人或者十零廿人，Admin邊有咁多層咁多post吖，可能係一兩個人做晒所有嘢㗎．
人工就睇公司嘅規模啦，Assistant真係同樓上嗰位講嘅差唔多㗎咋（好彩啲嘅，公司闊佬啲嘅都可能有六七千嘅），Clerk都有七八千嘅，Officer會過萬，大內總管就好難講啦，睇佢幫公司做到幾多嘢啦（兩三萬甚至更多都得）．
多口講多句，有得揀就唔好入呢行啦，做下會計，shipping好過，起碼有一技之長，Admin真係大打雜，學唔到啲乜嘢專業技能囉．

唔同行業既admin都有分別, 薪金視乎你既經驗啦, 我有朋友o係會計師樓做admin, 人工一萬, 負責訂文具、雜物、紙, 等等... 要落銀行入數.. 總之係雜務, 亦有朋友o係律師樓做admin, 人工接近三萬, 但由於佢資歷高, 所以佢基本上算係半個legal executive...

除非你係剛剛讀完書出黎做野, 如果唔係依家好難搵到七千蚊以下既admin喇..

admin有幾個位, 有admin. assistant, admin. officer, admin. manager, 高級有 operation manager, operation officer, chief operation officer..... receptionist 和 tea lady / ahma 都算是 admin... 有些大公司 IT 都納入去 admin. 管治的...

一句講晒... admin. 行政事務, 咪即係打雜, 做office supporting... 最低級的 office assistant, 即係以前出行, 送件收件等... officer 同 manager 就安排admin. 工作... 包括寄信寄件, 同supplier講價, 採購公司文具印刷及一切用品, 訂水.......大事如公司裝修搬公司, 電話系統, 聯絡supplier, 包括電訊服務公司....等, 還有公司內部function... 如annual dinner, party...等... 還要安排公司各樣水電費, 租務等等......... 即係日本庶務科... 咁上下..... 總之要負責維持一間公司的運作, 差不多爆尿渠都關admin. 事

好大的公司會有好多好多濕碎嘢做, 年年要做budget

2007-01-31 13:04:51 補充：
admin... 最低的 office assitant 得$5000起..officer 約有$9000 -$10000manager 都有 $13000 起當然要大公司先有administration department, 先有 officer 或 manager 位...

我試過做一個post 叫admin assistant, 但入到去竟然係圖書館館理員, 所以都係問清楚個post係有咩職務.

我而家都係做緊一個admin~不過可能唔同出面果d~因為比起出面果d多野做
例如 finding , 幫同事 影印 去銀行入數, 郵局, 送下文件 轉下單~ 幫老闆攪下d 關於電腦, 上網 idd, 手提電話 and佢地d 私人事囉~ 聽下電話~ 公司入面既所有日常運作~ 機器壞左,你就負責聯絡d 維修商~ 有事幫同事出去拎d料番黎,因為太重,佢地拎唔到, 仲有好多,講唔哂
總之好聽d就 admin~ 難聽d就叫 打雜
我月薪得$5200咋
試用期未過得4800
都算低架啦~
不過當學野囉~