如果你的ex問你係唔係返埋一齊....究竟要點答好?

你最後問果的問題, 我有2種感覺

1) 你係一個比較理性既人
2) 或者你對愛情真係迷失左

*** 對我而言, 感情, 係以心為主 (佔 60%), 生活次之 (30%), 跟住就係其他野 (10%) ***

因為本人年紀唔細, 既唔能夠好似後生仔咁全情投入感覺, 亦唔能為左愛而對生活置之不理, 因此我會將愛結合埋生活一齊睇, 細水長流 / 有生活情趣 / 溫馨感人既, 係我現在所追求既

而你最後既問題中, 好明顯已經有種 "交易"既感覺, 因為你好明顯知你唔敢再愛人, 更唔愛你 ex-fd, 但係結果仍要考慮 (重要想埋經濟狀況 tim), 因此個人並不讚同, 因為連最少既愛都無既生活, 係可悲既.

可能你寂寞太耐, 有的累, 亦可能唔想再找, 因此比較接近合格既男仔都會考慮下, 但係好老實, 咁樣係不智既 (希望我估錯左你既狀況), 因為咁樣比人一種 "濫"既感覺, 但你自己又唔開心.

如果係我, 我會唔考慮 ex-bf (無感覺, 何必勉強), 跟住一邊自修 (咩都好, 語文 / 興趣班), 一邊識返的普通朋友, 再放開你既介心, 用心同朋友相處 (當然唔係完全無介心啦, 只係對愛唔使太恐懼), 我相信一定有知音人鐘意你既真性情既 ^^ , 跟住再慢慢觀察, 真係 ok 先開始拍拖, 咁可能會適合你多的~

*** 現代既愛, 太快太趕, 未看清時已經要別離, 一剎那的快感換來對愛情的質疑厭棄, 或是細水長流, 互為容忍體諒更好, 顯而易見 ***

*** 希望你心結解開 ^^

一切睇你自己有無心想再度一齊，如果想，其他因素不太重要，只要佢人品和生活正常就可以了。你如果覺得仲鍾意佢，就考慮一齊啦，否則，做朋友好了。

最基本係要有feeling
大家係愛對方既
可唔可以相處得黎,是否可以相處一生一世
要有基本既經濟能力啦 (即係最少都要有份正職)

但你話佢係以前hurt得你太勁, 咁要嚴重考慮佢會否重犯囉

係唔係puppy love唔重要

呢個情況真係進退兩難，諗到頭都爆，唔知點做好。不如等我分享下我的經驗同諗法比你聽，至於同唔同翻你前度男友一齊，就要靠你自己的最終決定。

1) 一對情侶走在一起，最基本的元素係「感覺」，如果你地大家之間仲有感情的話，對大家仲有FEEL的話，你可以開始考慮同唔同翻佢一齊。若果你對佢已經無晒感覺，摟埋一齊都無晒FEEL，咁你同返佢一齊都無用，無愛維繫的戀愛，好快就會GAME OVER，無意思。

2) 你要考慮下你地上一次分手的原因究竟解決了沒有呢？如果呢個導致上次分手的成因還存在著，我勸你唔好再同返佢一齊，如果呢個原因唔會阻礙你地的發展，上一次就唔會分手，事實已證明呢個問題係唔可以容納係你地兩個的世界入面，咁就唔好再衰多次。尚若那個問題已經解決佐或者經過你地分開佐之後，你已諗到解決的方法或者已對呢個問題的執著性減低，咁樣，你地可以嘗試再走在一起。

3) 可能你依家，自己都唔知道自己係唔係仲鐿思佢，都唔知同唔同返佢一齊好。如果係咁，你諗下你同佢分佐手之後，你啲日子係點過，唔計果段失戀的低潮期(即係分手後的果段日子，大約三個月)，你的單身生活係比相戀時開心啲還是無咁開心，自由啲還是漫無目的，愉快啲還是悲痛啲，快啲還是慢啲等……呢啲種種的客觀感覺都可以誠實咁講比你知你的單身生活係開心啲還是和前度男友戀愛時的生活係開心啲(有時，你自己去判斷都係錯嫁，因為你自己會呃自己)，無謂因為渴望得到戀愛而令自己的生活增添壓力，唔值得。拍拖都係想開心啫，拍得唔開心咁拍黎為佐乜。

4) 「你以前HURT得太勁，所以對感情問題都看化哂。」如果你真係睇得化，你就唔會將呢件事放係度問人啦，你潛意識其實仲好介意呢件事，唔好欺騙自己，選擇逃避一世都唔會解決到件事，我希望你選擇去面對。

5) 同唔同返佢一齊都好啦，快啲諗清楚，跟住就同人講清楚，唔好拖人地。

P.S. 愛情唔係人生的全部，試下將人生目標的集中力放係另外的範疇度，你會發覺你所遇到的問題其實只係人生的一件小事。祝你好運！

如果你對佢沒有feeling,咁何必在一起.

你所講嘅問題都你應該考慮ga.....but 最重要嘅係唔咪所有感覺真係所剩無幾先...
如果係仲唸之前嘅問題仲咩? 所以我覺得你仲好有feel,但因之前嘅野唔敢再try......

而家分開咁耐大家都仲有feel都好難得......人都比以前大啦........其實可以try.....

如果你無試我唸你個心仲囉囉攣........

一齊可以點呢?咪再頭入再嘗試大家個feel ok or not?唔一齊又可以點?都唔駛再唸佢啦!

如果你成日怕再好似以前咁又唸好多野,咁你同邊個一斉都會呢d 問題!

good lucky!

其實講到尾...最緊要都係feel囉...
但係如果你怕hurt o既話...
我想問你...o係你o既人生裏面係咪有冇佢都得...
冇左佢你會有咩感覺?!

要知當初為咩而分手, 如果係第三者既, 再係埋一齊都唔睇好, 咁呢兩三年間你地有冇contact, 你有冇覺得自己比兩三年前靚左? 佢有冇做d咩實際行動令你感動而再同佢係埋一齊, 佢可唔可照顧到你以後既生活(無論係經濟上或係心靈上)
最重要係你而家想要一個stable既男朋友or老公(因為女人無咩青春架喇)

ys
你問的問題其實都應考慮




但冇feel 就....