問搭車方法 (屯門至浸會醫院&浸會醫院至元朗）

最快方法：1)搭西鐵到美孚站轉地鐵到九龍塘，之後可選擇或步行、搭的士、29A小巴(浸會醫院,聯合道下車)，60mins左右。

2)在浸會醫院 聯合道 選擇搭的士、29A小巴到九龍塘地鐵站搭地鐵到美孚站轉西鐵到元朗)，60mins左右。

3)搭西鐵到美孚站轉地鐵到九龍塘，之後可選擇或步行、搭的士、29A小巴(浸會醫院,聯合道下車)，50mins左右。

4)在浸會醫院 聯合道 選擇搭的士、29A小巴到九龍塘地鐵站搭地鐵到美孚站轉西鐵到屯門)，60mins左右。

1) 西鐵:屯門站或者兆康站出發,去到美孚(20mins),再轉mtr去九龍塘(15-20mins),出咗mtr station,行去浸會醫院(10mins)

2) 巴士:出旺角(50-60mins),喺旺角中心落車,行過對面雅蘭門口再轉入沙田嘅巴士(81c或者87d - 15-20mins),就可以去到浸會對面落車,就方便d,同埋入沙田嘅多數都係新九巴,你有輪椅就會方便d,exactly個站名係咩就唔記得(好似係九龍塘地鐵站或者映月台落),要問一問司機

3) 其實如果你出到旺角,除咗沙田嘅巴士之外,仲可以搭去樂富嘅巴士都得,但係呢d就通常都係舊九巴,你有輪椅就唔係咁方便,我都唔係咁建議

4) 再唔係出到旺角再轉的士大約$40-50啦,去到門口添!!

另外,返入元朗:
1) 以同樣嘅方法出返旺角,出返彌敦道,旺角中心對面,68x就可以返入元朗架喇(50-60mins)

元朗至浸會:
1) 同由屯門出浸會差唔多,只不過你而家係由元朗出發啫,都係可以搭西鐵轉地鐵啦

2) 68x出到旺角,又係旺角中心落車啦,之後都係轉入沙田嘅巴士啦

浸會至屯門
1) 同樣路線出返旺角先,去返彌敦道,旺角中心對面,有60x去屯門市中心,有63x入天水圍,不過佢係經屯門嘅,58x返良景,67x返兆康,仲有1架,59x返屯門碼頭,58x, 67x同59x係喺旺角火車站總站開出嘅,所以你可以喺九龍塘搭火車走,搭一個站落返旺角,一出火車站就係巴士總站架喇

因為唔知你由屯門邊度出發,所以唯有咁樣提供資料比你,希望幫到你啦,其實而家搭巴士都好方便(如果你搭到新款九巴的話),又或者地鐵同火車都可以去客戶服務度搵個人幫你地手啦,而家佢地都會有呢項服務提供架喇,幫d有輪椅嘅人士上返地面!