請問有無~平~靚~正~既~結婚好介紹?

擺酒...$4000圍...我推介你去太子聯合個間好彩問下...
因我上年3月係個度擺的...
我只擺8圍...用左$32xxx
個日係平日...個場俾到好大我...場地佈置都幾靚...我用西式...通常都係後面一塊粉紅色布加個名...但係佢係粉紅色布後面仲有一串串閃閃下既燈...
仲有好多侍應為我地服務...仲好幫得手...算係有求必應...
新娘房都夠大...有埋洗手間...
d野食我事後聽返...個個都話好...(起碼乳豬上台係熱同脆既...好多酒樓都做唔到)
埋單又冇迫我地俾小費...
所有野都好滿意^^...(起碼佢地冇睇少我地擺得少...仲通常十圍先送既野...都送埋俾我地...呢一點先係最驚起)

映婚紗相...我係係大陸影既...叫名百合...如果要求唔高既...都算ok既...(因我本身唔打算影既...影既原因係想擺酒個日有張油畫放係門口...同埋酒樓用個隻開頭片有d相俾人睇下:p)...價錢都好平...要睇你最後揀到幾多張相lu~

如果去台灣蜜月+映婚紗相...$8000我諗唔得喇...因我月尾會去台灣旅行...4日3夜...但我最少都要用$6-7000...所以如果你要影埋婚紗相...我諗做唔到...但始終我未影過...你都係去問下要幾錢啦~

婚紗...我係分開左兩個地方租架...因為租左第一件婚紗之後又睇中左另一件...老公件禮服都係...最後大家都租左兩件=.=...所以我諗婚紗你真係要睇多d行多d先好決定...如果唔係就會好似我咁>.<

化妝...我好似用左2000度...都跟左我大半日...我朝早係十點先化妝架...
個化妝師都準時黎到...一直到夜晚9點佢就走...都化得幾靚...仲幫我轉左4個做型...

攝影師...我係係網上搵既...全日$1000...如要錄影再加一千...都影得好好...又識攪氣氛...

整個結禮...我地都以慳錢為主...同埋我地都要求唔高...計埋好多雜費(如註冊費...小禮物...花車佈置...請貼...等等等等)...我用左十萬度...如果你都係想慳慳地又同我一樣要求唔高既...都可以用黎參考下...^^

希望可以幫到你啦...如果有咩問題可以email問我...msn都得架

2007-02-03 14:03:03 補充：
第11行個度係驚喜...唔係驚起XDDDD

你不如上「新婚生活易」個website，入面有晒你想知嘅嘢！　http://wedding.esdlife.com/home/chi/default.asp

映婚紗相：如果在香港影,一定要1萬以上,如果返大陸影,就4仟左右,效果不錯...
攞酒：依家每圍酒席大約5仟多,如果你普通攞幾圍,咁可以在普通酒樓問價,可以3仟多..
記得問全包價
租婚紗+化妝：大約3000仟至5000仟
租車：benz大約1500 for 5hrs,旅遊巴：大約1300 for 5hrs. 這個可以同租車公司傾,
攝影師：錄影師+影相師.預計2500-3000.包洗相,童年回憶vcd.影片製作..

如果是普通攞酒,大約8-9萬

如果是隆重大約是15-17萬..

因為結婚還需要其他細節,如印帖,回禮禮物,等等.好多.