我買了東西可否給狗狗食？

其實係可以的﹐不過狗不太愛吃酸或爛爛的東西﹐例如粥。
下面有D建議你可以試下﹐但切記﹗不可加鹽和糖或其他調味﹗天然的味道就OK了

你可以切碎一D蔬菜﹐幾種菜同埋D狗糧撈埋一齊再俾佢食。
吃了多年狗糧當然厭啦~你食飯也要食餸才有胃口吧﹐如果餐餐要你食水泡餅你都寧願咩都唔食 係咪。

狗糧係要給他吃的﹐因為狗糧中已包含了一切他需要的營養﹐但加點菜給他當然沒問題﹐甚至百利而無一害。菜方面可以有很多選擇的﹐可以給你一點參考﹕雪藏青豆﹐雪藏粟米﹐雪藏雜豆﹐黃椒﹐菜心﹐霎雞蛋﹐飯﹐米粉﹐紅腰豆﹐眉豆﹐薯仔﹐番薯﹐紅蘿蔔﹐牙菜....等。

每次有2至3種撈狗糧就可以了﹐你果晚有咩菜﹐煮前先留起一些﹐待你煮好後只用清水稍為霎熟﹐再攤涼撈狗糧就可以給他食了﹐雪藏食物需要煮熟﹗蛋一定要熟﹐蛋黃可以美毛﹐但一星期內不可食超過3隻。菜類可以保持健康﹐便便順利﹐減少口臭.....但人吃的肉類就不建議給他吃了﹐因為肉類味道會令他再三回味﹐到時他就不肯吃菜了﹐會比現在更麻煩。

我隻史立莎超愛吃菜心切粒和霎蛋切粒撈狗糧﹐你都可以試下。
希望可以幫到你

吞拿魚我就未比過狗狗食, 但如果係罐頭吞拿魚我就唔建議比. 其他我都比過狗狗食, 無問題.
我唔太建議你日日比粥狗狗食, 因為狗狗b牙成日食流質野會唔好, 所以我諗久唔久比一餐食就好喇....

除咗吞拿魚之外，其他狗狗都可以食。你亦可以混埋白烚雞肉，因為較少油。到佢好番d就試吓混埋狗糧，唔可以經常比人食嘅嘢佢哋食，尤其是有油嘅食物，如果唔係會好易生滋，同埋d毛會唔靚。